Mata sarda firmat su virus Hiv. S’iscoberta de s’Universidade de Casteddu Est sa "Hypericum Scruglii". Pro sos istudiosos podet cantzellare duos entzimas

Hypericum Scruglii. Est custu su nùmene de una mata chi creschet in Sardigna (in Ogiastra e in su sartu de Làconi) e chi podet firmare sa crèschida de su virus Hiv. Ddu narat unu istùdiu de unu grupu de chirca de s’Universidade de Casteddu publicadu in sa rivista de meda importu “Plos One”. Virologos e botanicos de su Dipartimentu de scientzias de sa Vida e de s’Ambiente  ant agatadu una molecola ca podet cantzellare duos entzimas de su virus e aici ddu podet rallentare.

Su traballu est istadu coordinadu dae Francesca Esposti, virologa, e Cintzia Sanna, botanica, ambos rechircadoras de s’Ateneo de Casteddu. Sas duas ant collaboradu in paris cun àteros rechircadores de Casteddu e de sas àteras universidades de Campania e de su Max Planck Institute for Chemical Ecology de Jena (Alemagna).

T'est pràghidu s'artìculu? Connosches bene s'argumentu e boles iscrìere carchi cosa pro megiorare s'informatzione? Iscrie·nos una lìtera a redatzione@istorias.it.

Iscrie pro primu

Cummenta

Sa mail non at a èssere publicada


*