Si narat “Agitòriu su moru” sa faina de promotzione linguìstica e culturale organizada dae s’Ufìtziu Limba Sarda de Tortolì in s’àmbitu de su progetu linguìsticu “Tortolì genna de s’Ogiastra”.
S’initziativa previdet bìsitas ghiadas in limba sarda a is turris de guàrdia de santu Micheli e de Santu Milanu, a is crèsias de sartu de Santu Lussòriu, Santu Milanu e Santu Sarbadori, e a is pràgias de Cea, Portu Frailis e Basaura. S’obietivu est permìtere a is bisitadores de iscobèrrere e connòschere mègius s’època de is bardanas barbarescas chi ant caraterizadu s’istòria de is costas de su Mediterràneu, e duncas de sa Sardigna e de s’Ogiastra tra su 1500 e su 1800. In is bìsitas, is partetzipantes ant a tènnere s’oportunidade de iscurtare contos, càntigos e paristòrias de su connotu, chi tenent comente protagonistas Turcos e Moros.
Pro documentare e cumpartzire custas istòrias, at a èssere realizadu un’opusculu chi at a regòllere contados e fatos istòricos de su XVI a su sèculu XIX, paris cun una brochure dedicada a is turres de Santu Micheli e de Santu Millanu, cun descritziones e inditos pro ddoe lòmpere.
Is bìsitas ant a èssere in prus documentadas cun video e fotografias pro more de concordare unu filmadu de promozione linguistica in sardu cun sutatìtulos in italianu, contribuende a promòvere s’initziativa e difùndere su connoschimentu de su patrimòniu archeològicu e culturale locale. Is basita, totu a s’indonu, ant èssere fatas in custas dies:
Giòbia 18.07.2024
h. 09.00: Turri de S. Micheli, Cala Morisca, Santu Lussòriu, Basauru
Giòbia 25.07.2024
h. 09.00: Turri Zacurru, Crèsia de Santu Milanu, Portu Frailis, Scòllius Orrùbius
Giòbia 01.08.2024
h. 09.00: S’Ortali ‘e su Monti, Crèsia de Santu Sarbadori,Perdas Orrùbias de Cea
Atopu in pratza Frau Locci a ora de is 08:30, cun partèntzia a is 09:00 e torrada a is 13:00. Pro nde ischire de prus e pro prenotare est a mutire a su nùmeru 3298703515 intro su 16 de mese de argiolas 2024. Is postos disponìbiles in su postale pro cada bìsita sunt 20. Is partetzipantes ant a dèper pònnere cosìngios addatos pro su sartu e acafare abba de bufare.
