Sete òperas de Goya, tres fotografias de cales una mai esposta de Dalì e chimbe intzisiones suas, bator figuras de Eduardo Arroyo, unu disinnu de Jaume Plensa, sas imàgines de Bernardì Roig, Oscar Manesi, bator òperas subra de carta de Pedro Castrortega, s’arte de Ana De Matos faghent parte de sa mustra noa in Sardigna in su Museu Dart in Patiolla.
Aberit domìniga 11 de nadale 2022, a sas 17,30 in s’ex turre de s’abba de bia Carducci, sa mustra “S’España en sa mirada – methamorphosis segunda”, pensada dae Casa Falconieri. Cumpletant s’espositzione sas tzeràmicas de Giampaolo Mameli e su documentàriu ‘Presencia de Luigi Nono’ firmadu dae Tonino Casula e sos vìdeos de Ricardo Migliorisi e Josè Manuel Berengue. Acumpagnamentu musicale de su mastru Ettore Carta.
Un’àtera operatzione chi in pagos meses (partende dae su maju coladu) at postu su Parteolla in unu cuntestu internatzionale, arribbende a acollire finas s’artista de fama mundiale Pavlo Makov chi at espostu sas òperas suas, casu ùnicu in Itàlia, in cuntemporànea cun cuddas a sa de 59 editziones de sa Biennale de Arte de Venètzia. Como, a pustis de s’espositzione de sas òperas de Mario Delitala, un’àteru progetu artìsticu.
“Comente tzentru de chirca bolemus dare a sas generatziones noas sa consièntzia de sas fortzas pròpias e pro custu amus detzìdidu de inaugurare unu percursu chi naschet e s’istruturat in Sardigna chi est comente si siat un’ispàtziu lìberu”, ispiegat Gabriella Locci, artista presidente de Casa Falconieri assòtziu chi de prus de trinta annos s’òcupat de difùndere sos limbàgios de s’arte e de sos intzisores a livellu internatzionale. “Faeddamus de memòria, ca sa consièntzia est aici si si connoschet s’istòria e la si cumprendet pro disegnare unu percursu artìsticu e culturale”Torrat a nàrrere sos aspetos de consièntzia su” narata su diretore sientìficu de su Museu Dart, Dario Piludu: .
Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22
Attività realizzata col contributo della Regione Sardegna – IMPRENTAS 2021-2022. LR 22/2018, art. 22
