Su de bator postos a su giogadore aristanesu Giuseppe Massidda, in una manifestatzione dominada dae sos giòvanos.
Lorenzo De Ieso, de sa sotziedade ArzaChess, at bìnchidu pro duos annos de fila de pare su campionadu regionale de iscacos. A su segundu e a su de tres postos si nche sunt classificados Yaraslau Markevichus, 18 annos, e Leonardo Bonali, 21 annos, ambos duos iscritos in Casteddu e connotos meda pro àere bìnchidu medas torneos. Mescamente Leonardo, chi at conchistadu su tìtulu regionale giai bator bortas. Giuseppe Massidda de Aristanis est lòmpidu a su de bator postos.
Su coa de chida coladu, coranta giogadores lòmpidos dae totu sa Sardigna, ant leadu parte in su salone de Is Domus de bia de Diego Contini, sede de Oristano Scacchi, tzìrculu organizadore, a su torneu regionale de iscacos: sete turnos de giogu, cun partidas de unas duas oras.
“Bìnchere pro duas bortas de sighidu su campionadu regionale est un’emotzione manna a beru,” atnaradu Lorenzo De Ieso. “Su torneu de ocannu est istadu isconchiosu meda, finas pro more ca totu sos pronòsticos initziales non sunt istados rispetados. Torro gràtzias a is organizadores de sa manifestatzione, apo coladu custas dies bellas meda in cumpangia de medas amigos”.
Giuseppe Massidda de Aristanis est lòmpidu a su de bator postos, e Danilo Mallò, presidente de su Comitadu regionale de Iscacos de sa Sardigna, chi s’est classificadu in sa de chimbe positziones, at naradu de èssere satisfatu meda de sos giogadores suos, mestamente de sos giòvanos.
E sunt istados a beru sos giòvanos a dominare su Campionadu regionale de ocannu, comente si pòdet bìdere dae sos primos classìficados, totu pitzocos comente a Lorenzo De Ieso chi in custu torneu est lòmpidu a prus de 2.100 puntos.
“Semus bregiosos meda de àere ammaniadu su campionadu in Aristanis, at declaradu Andrea Sini, presidente de Oristano Scacchi. “Complimentos meda a Lorenzo De Ieso pro su primu postu e finas a su sòtziu nostru, s’aristanesu Giuseppe Massidda.”
Fotos: Oristano Schacchi e Comitato Regionale Scacchi
Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018
