S’Anas bolet bogare is rugradas ‘a rasu’ dae s’istrada istatale 130 in su tretu chi andat dae Casteddu finas a Dèximu Mannu. Sa punna est cudda de torrare su traficu prus lestru e seguru. De custu s’est faeddadu oe a merie in nd’unu atobiu in s’Assessoradu de sos Traballos Pùblicos in s’arburada de Trentu: nche fiant sos amministradores comunales de Su Masu, Assèmini e Dèximu Mannu, tzitades diretamente interessadas a s’òpera.
“S’atobiu de oe testimòniat sa voluntade de cunsignare a sas comunidades un’ òpera istratègica e de ddu fàghere in sos tempos istabilidos, chi arriscaiant de slittare esponende sa Regione a s’arriscu de pèrdere de su finantziamentu – narat s’assessore de sos Traballos Pùblicos Roberto Frogia – Pro custu motivu apo pedidu a Anas non isceti de atzelerare sa progetatzione ma fintzas de prevìdere sa fòrmula h24 de sos traballos”. In su cursu de s’atòbiu est istadu segudadu s’acòrdiu cun sos Comunos pro definire sos interventos.
