Sighi∙nos

Salude, ite ses chirchende?

Atualidade

Mèigos e operadores sena vatzinu non podent traballare

S’Azienda pro s’Amparu de sa Salude de sa Sardigna est pronta a mandare is primas 57 lìteras de suspensione dae su servìtziu pro is mèigos e is sanitàrios sena vatzinu.

Dd’at fatu a ischire su cummissàriu istraordinàriu de Ares Ats Sardigna, Massimo Temussi, in una noa iscrita dae s’Ansa.
Sunt is primas 57 literas, ma àteras sunt prontas a èssere iscritas: difatis, tra su personale chi traballat in is istruturas pùblicas e privadas acreditadas, sunt prus de 700 is traballadores de su setore chi no ant galu fatu su vatzinu. Segundu s’Ansa, una cummissione est traballende pro cumprèndere chie tra custos at presentadu una tzertificatzione sanitària vàlida, ma a su chi paret medas si sunt refudados de retirare sa racumandada.

“Is primos a èssere suspesos — si leghet in sa noa — ant a èssere is dipendentes ‘no vax’ chi traballant in is istruturas sanitàrias de su nord Sardigna: sunt giai prontos is primos avisos, 17 de custos destinados a is càmitzes biancos dipendentes de Ats Sardigna”.

E is àteros? Oto sunt destinados a mèigos cunventzionados e 32 a traballadores de s’Aou de Tàtari. Severu su giudìtziu de su cummissàriu de s’azienda ospedaliera-universitària Antonio Lorenzo Spano: “Pro su personale chi non s’at a vatzinare, francu pro cussos cun motivos sanitàrios ispetzìficos, est a èssere suspèndidu s’istipèndiu. Chie non rispetat is règulas at a èssere sutapostu a santziones, chi ant a èssere fintzas graes si deveremus atzertare chi custa detzisione issoro at determinadu unu contàgiu a s’internu de is ispidales nostros”.

In prus, su cummissàriu istraordinàriu de Ares Ats Sardigna, Massimo Temussi ant afirmadu chi est aprontende unu pranu de organizatzione de su personale in is repartos chi previdet de suspèndere totus is traballadores de sa sanidade chi, pro motivos diversos, no ant ancora fatu su vatzinu. “Faghimus un’ùrtimu sollìtziutu a is mèigos e infermieris pro more chi fatzant su vatzinu, a amparu de sa salude issoro e de totu is malàidos”.

A oe, prus de su 90% de is ricoverados in is ispidales sardos no at retzidu su vatzinu, medas de custos sunt in cunditziones graves in terapia intensiva.


Atividade realizada cun su contributu de sa Regione Sardigna – Imprentas 2020-2021. Lr 22/2018, art. 22
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Pro respùndere

Leave a Reply

Il tuo indirizzo email non sarà pubblicato.

De lèghere

Cultura

Bentu est sa pellìcula noa de Salvatore Mereu. Su film de su regista de Durgali est istadu presentadu a sa de 79 editziones de...

Atualidade

Non paret chi b’apat coladu bator annos ebbia, ma meda de prus, dae cando sos de su carrabusu de Autodeterminatzione pariant seguros de nche...

Cultura

Su mutetu est una de is formas de cantu tìpicas de sa traditzione poètica de sa Sardigna. A unu tempus su cantu a mutetu...

Cultura

Sa cumpangia teatrale Tedacà arribbat a Sardigna pro torrare a ammaniare s’ispetàculu “Fine pena ora”, sa rapresentatzione noa leada dae su libru omònimu de...