Sighi∙nos

Salude, ite ses chirchende?

Atualidade

Sos comunos de Nùgoro, Ulìana e Orgòsolo narant chi nono a su parcu eòlicu

Oliena-panorama, foto di Gabriele Doppiu
DCIM100MEDIADJI_0016.JPG

Sìndigos e tzitadinos si mobìlitant pro amparare su paisàgiu e s’ambiente dae sa minetza de sas palas eòlicas

Sos sìndigos de sos comunos de Nùgoro, Ulìana e Orgòsolo sunt unidos contra su progetu de fràigu de unu parcu eòlicu propostu dae sa sotziedade Scirocco Prime de Grottaglie, in provìntzia de Tàrantu. Su pranu, chi mirat a s’isvilupare in sa badde a inghìriu su monte Corrasi e de su Supramonte de Orgòsolo, at iscasiddadu un’opositzione forte dae banda de sas amministratziones locales e de sos tzitadinos, apensamentados meda pro s’impatu chi custa òpera at a tènnere subra s’ambiente e su turismu de sa zona.

Sos sìndigos de sos tres comunos, Andrea Soddu, Sebastiano Congiu e Pasquale Mereu, ant espressadu sa contrariedade issoro durante una cunferèntzia de imprenta unida, annuntziende s’intentzione issoro de printzipiare cada atzione netzessària pro firmare su progetu. Si previdet sa cunvoca de unu cunsìgiu comunale congiuntu, chi incruat fintzas àteros comunos non interessados a manera direta, pro manifestare s’opositzione a interventos realizados sena motivare sas comunidades interessadas.

Su progetu in chistione, mutidu “Orgosolo-Oliena”, previdet su collocamentu de 11 aero-generadores de potèntzia manna e unu sistema de acùmulu de energia. Sa realizatzione sua diat tènnere un’impatu significativu subra su territòriu, mescamente in su de Orgòsolo, in ue si previdit de pònnere sa majoria de sas turbinas eòlicas e s’istatzione de trasformatzione energètica.

Sa proposta nd’at pesadu una reatzione forte dae banda de sos residentes e de sas amministratziones locales, chi denùntziant s’atacu a su paisàgiu e a s’ambiente. Sa mobilitatzione est giai cumintzada, cun un’apellu a sa defensa de s’ambiente pro sas generatziones benidoras, pro chi sa Sardigna potzat poderare e tutelare su patrimòniu paesagìsticu suo.


Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018

De lèghere

Cultura

S’Ars Artium Editrice e s’Assòtziu “Forma e Materia” annùntziant s’inghitzu de sa de chimbe editziones de su cuncursu literàriu “Faraglioni d’Ogliastra”, chi tenet sa...

Atualidade

In Putzu Idu Assemblea Natzionale Sarda at organizadu sa prima letzione de Yoga in limba. Cantas bias s’intendet nàrrere: “Su sardu non faghet a...

Cultura

Sighit mèrcuris su 17 in Lodine e giòbia su 18 de trìulas in Urtei (a pustis de s’esòrdiu de Iscanu e de sa segunda...

Cultura

Unu documentàriu subra de sa pratza IV Novembre e unu videoclip cun su tìtulu “Ombre sull’asfalto”. Sunt sos progetos finales de sos laboratòrios Kuntralab...