Sighi∙nos

Salude, ite ses chirchende?

Cultura

S’iscoberta de 3600 cassetas musicales de poesia sarda improvisada

S’Acadèmia de Mùsica Sarda at fatu un’iscoberta istraordinària: unu patrimòniu musicale mannu de prus de 3600 cassetas musicales cun poesias sardas improvisadas est istadu recuperadu e achiridu in su mese de martzu 2024. Custu fundu pretziosu, mutidu dae su presidente de s’Acadèmia de Mùsica Sarda Simone Grussu, “Fondo Pino Lai”, in onore de iscoberidore suo, est istadu eredadu dae sos parentes de Pino Lai, un’amantiosu de sa traditzione de sa poesia a bolu sarda originàriu de Cuartu S. Aleni. In ses annos de traballu, Lai at registradu e arrimadu un’archìviu etnomusicològicu de grande valore culturale, musicale, istòricu e antropològicu.
Sas registratziones andant dae sos annos ’50 a su 2010 e benint dae diversos logos sa Sardigna. Medas de custas sunt istadas registradas de persone dae Pino Lai etotu e tenent informatziones pretziosas comente data, logu, tipu de prova poètica, autores interessados e temas tratados. Unas cantas cassetas musicales includent fintzas descritziones comente su rinviu de sas garas pro more de su tempus malu o sa partèntzia improvisa de carchi cantante.
Custa prenda musicale tenet unu balore de importu mannu, pro more ca non tenimus noas de àteros fundos etnomusicològicos de custa casta.
S’impinnu de sAcadèmia de Mùsica Sarda immoe at a èssere su de catalogare e furriare a digitale totu su materiale cuberadu, cun sa punna de nde preservare su cuntènnidu e pònnere a dispinimentu custa pretziosa eredade a su pùblicu a traessu de sa creatzione de una bibliomediateca.
Tra non meda at a èssere cuncordada una cunferèntzia pùblica pro presentare e analizare a sa minuda totu su “Fundu Pino Lai”: in cussa ocasione ant a èssere fatos intèndere unos cantos bucones de sas registratziones cuntènnidas in sas musicassetas agatadas.


Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018

De lèghere

Atualidade

«Emergèntzias e oportunidades» in sa mirada sua. Ma sos amministradores unidos sufrint sos sèberos de Casteddu e de Roma, in ue sunt partzidos

Isport

Ruju-biaitos in foras de sos play off

Isport

Su campione de s’ìpica sarda e italiana teniat 64 annos Su fantinu de Lanusè, classe 1960, si nch’est mortu giòbia su 23 de maju, pro...

Atualidade

Istrumada atzessìbile e segura comente diritu umanu fundamentale. Initziativa de sos tzitadinos europeos. Sa campagna “My Voice, My Choice” dat a is tzitadinos europeos...