Sighi∙nos

Salude, ite ses chirchende?

Atualidade

S’adiosu de Sardegna Concerti a su Parcu de Arriora

Su cuntzertu de Ben Harper de su 9 de austu coladu est oramai archiviadu. Mìgias de persones dae s’ìsula intrea nche sunt lòmpidas a su “Parco dei suoni” de Arriora pro assìstere a s’ispetàculu de s’artista americanu e de sos cumpàngios suos, “The Innocent Criminals”.

Su live, abertu dae sos romanos “Il Muro del Canto”, at a èssere ammentadu pro su valore musicale de sos protagonistas in palcu e pro sas paràulas de amore de su cantante e chitarrista pro custa terra. Ma finamentas pro arresonare de presèntzia o mancu de grandes eventos a pustis de unas cantas polèmicas in contu de potentzialidades malas a essire a campu in Sardigna e in contu de sèberos esclusivos.

Pro seguru Ben Harper in Sardigna est grandu eventu cantu a (si non de prus de) unu possìbile de live de Billy Idol, e custu mancari unas ses datas italianas de Benjamin cara a sa possìbile data ùnica casteddaja de su de “Rebel Yell” in totu su Sud Europa. Ma su comunicadu de Sardegna concerti a pustis de s’ispetàculu de su 9 nos narat chi non bastat a faeddare de “chie” mutire pro chi b’apat unu grandu eventu, cantu de cumprèndere in ue est chi bi deghet.

«Cun su cuntzertu de Ben Harper de martis 9 de austu sessat s’esperièntzia de Sardegna Concerti in su “Parco dei Suoni e delle Arti del Mediterraneo” de Arriora. Unu disinnu pigadu cun suferèntzia bidu su grandu aficu de sos ùrtimos sete annos. Unu disinnu giai pigadu s’annu coladu ma chi amus rinviadu finas a sos concruos de su cuntzertu de Ben Harper pro non delùdere sos isetos de mìgia amantiosos chi ant prenadu su Parco dei Suoni a pustis de tres annos de passèntzia».

Po ite custu disinnu? «In ocasione de s’organizatzione intrea de s’eventu sunt essidas a campu unas cantas crititzidades chi ant cajonadu discumbènios a sos presentes, mescamente a sa categoria de utèntzia de sos disàbiles, in cuntrastu cun sa polìtica nostra semper atenta a sas esigèntzias issoro». E dae ue naschent custas fartas? A bisu de Sardegna Concerti sunt «cunsighèntzia de crititzidades econòmicas e logìsticas chi a su presente, mancari sos isfortzos de custos sete annos, impedint a custa istrutura, intre sas mègius in Europa, de s’isvilupare comente diat merèssere».


Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22

Attività realizzata col contributo della Regione Sardegna – IMPRENTAS 2021-2022. LR 22/2018, art. 22

De lèghere

Cultura

Si podet fàghere arte e tzìnema fintzas impreende unu telefoneddu. In su mundu nche sunt medas festival de tzìnema chi promovent pellìculas realizadas gràtzias...

Atualidade

Prus de 18 mìgias sardos ant lassadu s’Ìsula in sos ùrtimos tres annos. Una comunidade manna comente a su comunu de Pauli, comente sa...

Cultura

Si narat “La tua memoria è la nostra memoria”, su progetu aparitzadu dae su Comunu de Boruta chi punnat a sa realizatzione de un’archìviu...

Atualidade

Sa Sardigna est unu logu galu pagu connòschidu dae sos turistas. Belle su 80% de sos turistas chi arribbat in s’ìsula, difatis, bìsitat isceti su 10% de...