S’Ars Artium Editrice e s’Assòtziu “Forma e Materia” annùntziant s’inghitzu de sa de chimbe editziones de su cuncursu literàriu “Faraglioni d’Ogliastra”, chi tenet sa punna de dare boghe a iscritores noitolos, siat giòvanos siat mannos, interessados a espressare riflessiones, pensamentos, fantasias, versos, contos e memòrias chi pertocant sa Sardigna, mescamente s’Ogliastra.
S’Ars Artium Editrice, gràtzias a s’esperièntzia suas e a is maicantas publicatziones comente romanzos, poesias, sàgios e tradutziones de testos clàssicos, paris cun s’Assòtziu “Forma e Materia”, cheret promòvere sa creatividade culturale in una regione chi oferit pagas oportunidades a sos iscritores emergentes, ma chi possedit unu patrimòniu culturale e tzìvicu ricu meda.
Sa domo editora sutalìniat s’importu de sa literadura comente mesu pro afortigare su sentidu de apartenèntzia e pro espressare sos tretos distintivos de una cultura mediterrànea intre sas prus bias e significativas a su mundu. Pro mèdius de s’iscritura, si preservant e si tramandant sas rapresentatziones de una tziviltade de sas raighinas fungudas, caraterizada dae una identidade forte e dae una presèntzia ativa in sa crèschida culturale, econòmica e antropològica de sa Sardigna.
Su cuncursu acollit òperas in sos sighentes àmbitos literàrios: narrativa, poesia, contos cùrtzios, sagìstica, didàtica, chircas antropològicas, istòricas, archeològicas e culturales, e istùdios subra su passadu de sas comunidades locales (paisàgios, abitùdines, traditziones, etc.). Sos binchidores de sas pretzedentes editziones ant otentu reconnoschimentos importantes, cun sa publicatzione de sas òperas issoro e s’assegnatzione de cuntratos editoriales.
Sa partetzipatzione est aberta a totu sos narradores in limba italiana residentes o nàschidos in Ogiastra, e como fintzas a totu sos residentes in Sardigna, cun òperas basadas subra temàticas ligadas a sa Sardigna. Sas òperas devent èssere originales, non premiadas in àteros cuncursos e inèditas.
Pro sa presentada de sas òperas b’at tempus finas a su 30 de santugaine. Sa commissione, cumposta dae dotzentes e operadores de su setore culturale, at a valutare sos traballos presentados.
Pro àtera informatziones e pro ischire comente partetzipare est a bisitare su situ ufitziale de s’Ars Artium Editrice e de s’Assòtziu “Forma e Materia”.
Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018
