Sàbudu in Casteddu s’assòtziu polìticu “Sardegna chiama Sardegna” at donau sa tessera onorària a Mario Puddu, linguista de importu mannu nàsciu in Illorai, figura de riferimentu po su movimentu linguìsticu sardu.
Su riconoscimentu po s’assòtziu “bolit torrai gràtzias a un’òmini simpri, professori de iscola, ca de su cumintzu de is annus Otanta “portat ainnantis una circa fitiana, monumentali e casi a solu”.
A issu si depit u “Ditzionàriu de sa limba e de sa cultura sarda”, un’òpera de valori mannu, chi si podit consultai a indonu finas in lìnia, “chi at prenu a sola unu bùidu chi mancu is universidadi de Casteddu e de Tàtari ant prèniu”.
Unu trabballu nàsciu “de una generosidadi funduda e de s’amori, fatu cun sa voluntadi crara de amparai, valorizai e mantenni biu su sardu”.
Atividade realizada cun su contributu de sa Regione Sardigna – IMPRENTAS 2025-2026. LR 22/2018, art 22. Attività realizzata col contributo della Regione Sardegna – IMPRENTAS 2025-2026. LR 22/2018, art. 22
