32 autores, 48 reladores, sete mùsicos. Una chida dedicada totu a sa cultura cun iscritores e artistas de cabbale siat natzionales siat internatzionales, cun unu tretu mannu dedicadu a is autores isolanos. Su fèstival literàriu de Foghesu, “Sette Sere, Sette Piazze, Sette Libri” lòmpidu a sa de 14 editziones, naschet in su 2011 cun sa punna de promòvere sa letura e pro donare a is autores sa possibilidade de tènnere unu diàlogu diretu cun is letores issoro. Ma s’obietivu est fintzas su de afortziare s’acàpiu cun sa comunidade pro mèdiu de sa letura, motivende totu is bighinados de sa bidda ogiastrina: cada pratza, cada corte est che a unu teatru a s’abertinu in ue ognunu batit una cadira dae domo sua, comente acontessiat a unu tempus pro is garas poèticas. In sa chida de su fèstival is libros aunint is domos a is pratzas de sa bidda chi divenit torra una comunidade, gràtzias a sa narrativa sarda, natzionale cuntemporànea.
Vittorino Murgia, presidente de sa Pro Loco (organizadora de sa rassigna literària) e su diretore artìsticu Giacomo Mameli ant acraridu chi su fèstival (Dictis no armis, cun is faeddos non cun is armas, dae una frase de su De Rerum Natura de Lucrezio) at a printzipiare cun un’amentu (a deghe annos dae sa morte) de Gabriel Garcia Màrquez, chi su Comunu Foghesu aiat dedicadu in su 2015 sa Pratza “Cent’anni di solitudine”.
Tra is invitados a su fèstival – cun medas iscritoras e iscritores italianos (giornalistas, imbiados de gherra, sagistas) – fintzas palestinesas, curdos, inglesos – diversos autores sardos chi ant a animare prus che totu su prefèstival tra Fonne, Mamujada, Orthullè, Benetuti, Buddusò, Santa Maria Navarresa, Samatzai, Ballau e Aristanis. Addòbios fintzas in su càrtzere de Uda e in sa Residèntzia pro betzos “Letizia” de Foghesu. A su fèstival sunt acrobados, a in donu, fintzas laboratòrios de giornalismu, teatru, fotografia e iscultura.
Custu su programa ufitziale:
Lunis 29 de argiolas – Pratza “Cent’anni di solitudine”
a ora de is 21 – Deghe annos sena Gabo – Presentada de su libru post mortem “Ci vediamo ad Agosto” (2024 Mondadori) – Amentu de Gabriel Garcia Màrquez cun Ilide Carmignani, Gabriella Saba, Nicola Lagioia, Nestor Ponguta, Giuliana Adamo.
Istentu musicale de Gavino Murgia
Martis 30 de argiolas – Crèsia preromànica de Santu Sebastianu
a ora de is 21 – Presentada de su libru de Cristina Marconi Casiraghi “Stelle solitarie” (Einaudi 2024). S’autora allegat cun Paola Piras.
a ora de is 21.45 – Presentada de su libru de Piergiorgio Pulixi “Un’ora d’amore” (Rizzoli 2024). S’autore chistionat cun Francesca Lai.
a ora de is 22.30 – Oe in Gaza: istentu de Gad Lerner. A sighire s’iscritore Fariborz Kamkari presentat su libru “Rientro in Irana”, cun s’istentu de Francesca Bellino.
Istentu musicale de Bujumannu cun Dj Alexigno.
Mèrcuris 31 de argiolas- Pratza de “Longevità”
a ora de is 21 – Presentada de su libru de Lucio Luca “La notte dell’antimafia”, sutatìtulu “Una storia italiana di potere, corruzione e giustizia negata”, allegat cun s’autore Giacomo Mameli.
a ora de is 22 – Presentada de su libru “Guerra infinita” de Lorenzo Cremonesi (Einaudi 2022), chi allegat cun Giacomo Bedeschi (diretore La Nuova Sardegna).
Istentu musicale de Piepaolo Vacca.
Giòbia 1 de austu Pratza de “Il giorno del Giudizio”
a ora de is 21 – Graziella Monni presentat “Il medico di Caller” (Solferino), s’autore allegat cun Giacomo Mameli.
a ora de is 21.30 – Federico Fubini presentat “L’oro della Patria” (Mondadori 2024). Diàlogat cun Giovanni Bitti, presidente Confindustria Nùgoro, Antonio Solinas ad di Ab Insula, JohnathanHopkin e Andreas Rodriguez Pose (London School), cun su pìscamu de Nùgoro e de Lanusè Munsennore Antonello Mura e cun is sìndigas de Fonne Daniella Falconi e de Arborea Manuela Pintus. Mòderat Alberto Urgu.
a ora de is 22 – Presentada de su libru de Sigfridu Ranucci “La Scelta” (Bompiani, 2024), chi allegat cun Simonetta Selloni e Giacomo Mameli. – Istentu musicale de Vanni Masala.
Chenàbura 2 de austu- Corte de is iscolas elementares betzas
a ora de is 21 – Presentada de su libru de Pina Ligas “Salvarsi l’anima” (2024, editore Guidonia), chi allegat cun Giusy Ferreli.
a ora de is 21.30 – Presentada de su libru de Giuliano Tramaloni “Joshua” (EEE edizioni, 2024), allegat cun s’autore Luciano Piras.
a ora de is 22 – Presentada de su libru de Luca Bianchini “Il cuore è uno zingaro” (Mondadori, 2024) , allegat cun s’autore cun Francesca Lai.
Istentu musicale de Beppe Dettori.
Sàbadu su 3 de austu – Pratza de Bellas mariposas
a ora de is 21 – Matteo Porru chistionat cun Cristina Caboni de su libru “La collana di cristallo” (Garzanti 2023).
a ora de is 21.45 – Presentada de su libru de Milena Agus “Notte di vento che passa” (Mondadori 2024) cun interventu de Paola Pilia.
Concruit: Lella Mazzoli – Istentu musicale de Chiara Effe.
Domìnigu 4 de austu – Pratza de Europa
a ora de is 21 – Dopo Grazia: Gigliola Sulis e Paola Soriga ammentant a Maria Giacobbe, Maria Letizia Pruna ammentat a Michela Murgia. Mòderant Francesca Lai e Giacomo Mameli.
Istentu musicale de Chiara Effe
Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018
