Sa pinneta de sa mola📸

Sa pinneta de sa mola, agatada in s’iscavu de su 1994 in s’Àrea Archeològica de Scerì-Irbono, tenet una particularidade. Cando proet meda s’abba non benit suspida deretu dae su terrinu, ma abarrat a foghe pro unas cantas dies, formende comente una piscina.

Custa pinneta s’agatat a fundu de su nuraghe, dae in antis sas Domus de Janas, e est istada atribuida a sa Tziviltade nuràgica (XIX sec.a.C. e III sec. d.C.).
Si narat gasi pro ite a s’internu suo est istada agatada, cun probabilidade in sa positzione originària sua, una mola manna in pedra de su tipu “a sedda” cumpleta de “contro-mola” cussa puru in granitu. Àteros bucones de mola, contro-molas e istèrgios de terracota, atestant una frecuentatzione de s’ambiente durante s’edade de su Brunzu Reghente e Finale, intre su 1300 a.C. e su 900 a.C.

Su fràbicu tenet unu fundu tzirculare, comente cussos de sos pinnetos de sos pastores sardos, cun muros possentes a sicu a dòpia fila, de un’artària màssima de 1,50 metros. S’intrada, cara a sud-est, isfrutat sa presèntzia de duos crastos mannos chi fiant giai presentes in s’àrea.

Comente amus naradu, sa pinneta de sa mola, tenet una particularidade. Cando proet a fìgiu bonu s’abba non benit suspida deretu dae su terrinu, ma abarrat a foghe pro unas cantas dies, formende comente una piscina.

Custu dipendet dae su fundu a pamentu, chi giughet unu bellu pìgiu de arghidda, segundu una tècnica impreada meda in sas pinnetas nuràgicas de s’època, chi previdiat fintzas s’impreu de s’ortigu. Difatis s’arghidda, tra sas medas calidades suas, tenet cussa sa de èssere pagu permeàbile.

Si pensat chi fintzas s’imbusciadòrgiu originàriu de sa pinneta, realizadu cun materiales deperìbiles (truncos e cambos in linna, coma o pàgia) e sa muradura interna esserent fintzas cussas foddadas de arghidda, cosa chi permitiat poderare su calore in s’ierru e su friscu in s’istade.

Advertisement. Scroll to continue reading.

Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22

Attività realizzata col contributo della Regione Sardegna – IMPRENTAS 2021-2022. LR 22/2018, art. 22