Sighi∙nos

Salude, ite ses chirchende?

Cultura

Anteprimas Lussu in Casteddu: Piero Spila giòbia presentat in prima natzionale, “Johnny Guitar”

Su 28 de martzu, in su Polo Bibliotecàriu de bia de Falzarego 35, Piero Spila at a presentare in prima natzionale su sàgiu cosa sua “Johnny Guitar” di Nicholas Ray. A s’eventu, a printzipiare dae sas 17.30, at a partetzipare Alessandro Macis, diretore artìsticu de su Festival Premio Lussu Emilio Lussu.

Su sàgiu de Spila, intregadu a su film cult “Johnny Guitar”, at a èssere presentadu in intro de sas anteprimas de su fèstival. Su regista at a chistionare cun Macis pro analizare sas caraterìsticas e su cuntestu de custa pellìcula western, apretziada e istudiada dae registas famados comente a Truffaut, Wenders, Almodóvar e Scorsese.

Su libru, publicadu dae pagu dae Gremese Editore in sa collana “I migliori film della nostra vita” dirìghida dae Enrico Giacovelli, e arrichidu dae prus de dughentas imàgines e fotogramas leadas dae sa pellìcula, contat su cuntestu sotzioculturale-polìticu acanta est istadu cuntzepidu su film, movende de sa gènesi sua finas a s’essida in sas salas.

“Johnny Guitar” est unu western misteriosu e istrambòticu, ma fintzas liberatòriu, anàrchicu, votadu a s’utopia. Ambientadu in unu cuntestu marcadu dae sos velenos de su mundu polìticu (sa gherra frita, su maccartismu), su film est caraterizadu dae sa determinatzione de sa protagonista, Vienna (interpretada dae Joan Crawford), chi nointames sas dificultades  continat a remonare su disìgiu de unu benidore mègius.

Piero Spila, giai diretore de «Cinecritica», est ativu in su campu de sa crìtica e de sa sagìstica tzinematogràfica dae sos annos Sessanta. At insinnadu Istòria e Limbàgiu de su tzìnema e est autore de maicantas òperas e monografias, comente libros subra Pier Paolo Pasolini e Bernardo Bertolucci, e  film comente  “Aurora” e “Il Gattopardo”.

A pustis de sa presentada, at a èssere projetadu su film. Pro informatziones e pro si prenotare, est possìbile iscrìere a info@festivalpremioemiliolussu.org, opuru telefonare a is nùmeros 3280951378, 328 0615016.


Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018

De lèghere

Cultura

S’Ars Artium Editrice e s’Assòtziu “Forma e Materia” annùntziant s’inghitzu de sa de chimbe editziones de su cuncursu literàriu “Faraglioni d’Ogliastra”, chi tenet sa...

Atualidade

In Putzu Idu Assemblea Natzionale Sarda at organizadu sa prima letzione de Yoga in limba. Cantas bias s’intendet nàrrere: “Su sardu non faghet a...

Cultura

Sighit mèrcuris su 17 in Lodine e giòbia su 18 de trìulas in Urtei (a pustis de s’esòrdiu de Iscanu e de sa segunda...

Cultura

Unu documentàriu subra de sa pratza IV Novembre e unu videoclip cun su tìtulu “Ombre sull’asfalto”. Sunt sos progetos finales de sos laboratòrios Kuntralab...