Dae su 30 cabudanni a su 2 de santugaine, sa Manifattura Tabacchi de Casteddu (Sala Cuntemporànea, 1 pianu) at a acasagiare un’eventu culturale de grandu importu dedicadu a s’Iran cuntemporàneu, organizadu dae su Tzentru Ìtalu-Àrabu e de su Mediterràneu Sardigna. Sa rassigna, intitulada “Sguardi sull’Iran: suoni, immagini e racconti dal paese misterioso”, est un’ocasione importante pro connòschere su tzìnema iranianu, sa mùsica traditzionale e sas prospetivas noas de cooperatzione econòmica intre Itàlia e Iran.
Sa manifestatzione at a inghitzare lunis su 30 de cabudanni a ora de sas 17:00 cun sa projetzione de su film Romanticimo di Emad e Tuba (Iran, 2020), una cummèdia romàntica dirìgida dae Kaveh Sabaghzadeh. A sas 19:00 at a sighire un’esibitzione de mùsica traditzionale iraniana cun s’artista Soroush Melwana.
Martis, su primu de santugaine, a sas 11:00, dibata a tìtulu “Donne e Cinema nell’Iran contemporaneo”, trasmìtidu in direta in matex.tv. Ant a partetzipare s’ambasciadore de sa Repùblica Islàmica de s’Iràn in Itàlia, S.E. Mohammad Reza Sabouri, sa regista Monir Gheidi e àteras figuras de importu de su panorama culturale iranianu.
A ora de sas 17:00, at a èssere projetadu su film Villa Dwellers (Iran, 2017), unu dramma de gherra dirìgidu dae Monir Gheidi, sighidu a sas 19:00 dae unu segundu cuntzertu de Soroush Melwana.
Su fèstival s’at a concruire mèrcuris su 2 de santugaine a sas oras 11:00 cun una segunda dibata a tìtulu “Italia e Iran: nuove vie di cooperazione economica nel quadro geopolitico contemporaneo”. S’addòbiu at a èssere introduidu dae su Presidente de su Tzentru Ìtalu-Àrabu e de su Mediterràneu, Raimondo Schiavone, e ant a partetzipare espertos comente a su giornalista Alberto Negri, su dotzente Nicola Melis de s’Universidade de Casteddu e s’ambasciadore S.E. Mohammad Reza Sabouri.
Sa rassegna at a dare s’oportunidade rara de connòschere mègius sa cultura iraniana pro mèdiu de su tzìnema, sa mùsica e su diàlogu inter-culturale. Pro nde ischire de prus e pro si prenotare, est a bisitare su situ sardegna.centroitaloarabo.it.
Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018
