Su 2 làmpadas , su bidditzolu de Santu Lenardu de Siete Fuentes, in su Comunu de Santu Lussùrgiu, at a acasagiare sa 119 editziones de sa Fiera Regionale de su Caddu, unu sos addòbios prus betzos e significativos de sa Sardigna dedicados a s’allevamentu ecuinu .
Fundada in su 1906, sa Fiera s’est afirmada comente a puntu de riferimentu pro sa promotzione de sa cultura ecuestre sarda. In sos annos s’eventu s’est adatadu a sos bisòngios noos de su setore, devenende un’ocasione pro avalorare sas traditziones locales e promòvere su turismu in su territòriu de Santu Lussùrgiu .
Sa manifestatzione cumintzat a sas 9:30 in s’ex Hotel Malica cun un’addòbiu a tìtulu “L’allevamento del cavallo sportivo in Sardegna” cun sa partetzipatzione de espertos de su setore. Tra sos interventos prus de importu, su de Raffaele Cherchi, diretore generale de s’Agèntzia pro s’Isvilupu e sa Valorizatzione Ìpica de sa Sardigna (ASVI), e su de Giacomo Borlizzi, cummissàriu istraordinàriu de sa Federatzione Italiana Isport Ecuestres (FISE) Sardigna .
In su manègiu comunale, in programma pro sas 10.30, rassigna morfo-atitudinale pro puddedros de tres annos, cun proas de brincu lìberu: in sa giuria internatzionale nòmenes comente sos de Roberto Della Bella, Christian Planchon e Claudio Delnevo .
A merie, dae sas 16:00 a sas 19:00, ispàtziu a su cuncursu sotziale de s’iscola de ecuitatzione “San Leonardo” e a su batiare de sa sedda, in collaboratzione cun su Tzentru Ìpicu S’Aldola e s’iscola de ecuitatzione Erikam. A totu die, at a èssere possìbile a bisitare sa mustra mercadu cun produtos tìpicos de s’agroalimentare e de s’artesania locale .
S’eventu, patrotzìnadu dae sa Presidèntzia de sa Regione Autònoma de sa Sardigna, est ammaniadu dae su Tzentru Ìpicu Cannarvarjos, paris cun s’ASD Tzentru Ìpicu Trottalemme, su Comunu de Santu Lussùrgiu, s’ASVI, sa FISE, su Tzentru Ìpicu S’Aldola de Iscanu, s’ASD Erikam de Otzana, sa Pro Logc e su Tzentru Cummertziale Naturale “Bantzigallelle” de Santu Lussùrgiu.
Attività realizzata col contributo della Regione Sardegna – IMPRENTAS 2024-2025. LR 22/2018. Atividade realizada cun su contributu de sa Regione Sardigna – IMPRENTAS 2024-2025 LR 22/2018
