Sighi∙nos

Salude, ite ses chirchende?

Atualidade

Pink Flamingos: Giru de sa Sardigna in bitzicleta contra is tumores

Sa Pink Flamingos est una pedalada chi tenet un’obietivu ambitziosu: su de indanimare totu sas fèminas chi ant afrontadu unu tumore e de mòvere cun sa bitzicleta pro una passigiada de benèssere. Su giru, est cumentzadu domìnigu coladu in Casteddu, dae s’ospidale Businco cun una deghina de tziclistas, chi tenent giai tres annos de esperièntzia. Sas primas tapas de 103 chilòmetros est lòmpida a Aristanis, colende dae su tzentru oncològicu de s’Ospidale de Santu ‘Ainju. Lunis, a pusti de àteros 109 chilòmetros, sas partetzipantes sunt lòmpidas a S’Alighera, cun una bìsita a su servìtziu de oncologia de s’ospidale tzivile.

Martis, sas tziclistas ant afrontadu sos 36 chilòmetros intre S’Alighera e Tàtari, cun una bìsita finale a s’unidade operativa cumplessa de s’ospidale Santìssima Annuntziada. Mèrcuris, sa tapa prus longa e ingimiriosa dae Tàtari a Terranoa de 116 chilòmetros, cun unu dislivellu de 1.264 metros, at inclùdidu una pàsida in su repartu de oncologia mèdica de s’ospidale Giuanne Pàule II de Terranoa. Giòbia sunt in programma àteros 108 chilòmetros dae Terranoa a Nùgoro, finas a  servìtziu de oncologia de s’ospidale Santu Frantziscu. Chenàbura, sa dae Nùgoro a Lanusè est de 70 chilòmetros, e at a acabbare cun s’arribu a s’ispidale Nostra Sennora de sa Mercede.

Sòbadu su 1 de làmpadas, sa penùrtima tapa dae Lanusè a Casteddu at a èssere de 137 chilòmetros, e s’at a concruire cun una festa manna in su Parco delle Emozioni.

“S’ideale nostru de unu gemellàgiu intre nois e sos ospidales oncològicos de su territòriu andat a in antis dae tres annos”, ispiegat Cristina Concas, presidenta de s’Asd Flamingo’s Roads. “Cun sa ventura nostra, diamus chèrrere unire in manera ideale totu sas istruturas de riferimentu de s’Ìsula”. Sa lìnia de su traguardu, in Molentargius intre su rosa de sa Genti Arrùbia, est prena de significadu. “Unu pagu comente su caminu de chie at bìnchidu su cancru cun grandu fortza de ànimu”, sutalìniant sos organizadores.

In custas sete dies de giru est ativa una regorta fundos pro s’achistu de unu cascu refrigerante, unu machinàriu innovativu chi agiuat a prevènnere sa ruta de sos pilos durante sa chemioterapia.  


Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018

De lèghere

Atualidade

Domìniga su 16 de làmpadas, in ocasione de sas Dies Europeas de s’Archeologia, sa sotziedade Archeonova, chi gestit sos giassos de S’Arcu de is...

Atualidade

Casteddu, Tàtari e S'Alighera. Su tzentru manca nche colat su 50% evitende su ballotàgiu

Atualidade

Sambenadu sardu, fiat candidada fintzas in sa tzircuscritzione ìsulas. Como sa chistione de s'immunidade

Atualidade

Su de bator postos a su giogadore aristanesu Giuseppe Massidda, in una manifestatzione dominada dae sos giòvanos. Lorenzo De Ieso, de sa sotziedade ArzaChess,...