Sighi∙nos

Salude, ite ses chirchende?

Cultura

Terranoa, trìunfu de sa 1A Informàtica de su Deffenu de Terranoa a su Rally Matemàticu

Sos istudiantes ant conchistadu su primu postu regionale in sa categoria C9 intre sos istitutos tècnicos

Sa 1A Informàtica de s’Istitutu Attilio Deffenu de Terranoa at cròmpidu unu traguardu importante meda, classifichende·si prima a livellu regionale in sa categoria C9 de sa de 31 editziones de su Rally Matemàticu Transalpinu, dedicadu a sos istitutos tècnicos. Sa noa est istada retzida cun brègiu in s’Auditòrium de bia de Montegrappa de Tàtari.

Sos istudiantes, ghiados dae sa professora Sara Santandrea, ant otentu custu resurtadu mannu in su Polo Tècnicu Devilla, a pustis de una finale intèndida meda e apassionada. Sa resessida de sa classe 1A Informàtica rapresentat un’orgòlliu mannu pro s’istitutu dirìgidu dae Stefano Stacca, e dimustrat s’aficu e s’impinnu de sos istudiantes e de sos insinnantes issoro.

Ocannu, sa professora Santandrea, cun s’agiudu de sos collegas Valeria Zirolia e Salvatore Taras, at ghiadu sos istudiantes fatu de sas vàrias fases eliminatòrias, superende sas iscolas de s’ARMT de Casteddu e de sa setzione de Tàtari. Sa finale, riservada a sas categorias C9 pro sas primas classes superiores e C10 pro sas segundas, at bidu sa partetzipatzione de dòighi classes bènnidas dae Tàtari, S’Alighera, Nùgoro, Aristanis e Terranoa, partzidas intre litzeos sientìficos e istitutos tècnicos.

S’iscuadra binchidora, chi at giutu s’istitutu gadduresu intre sos primores de sa matemàtica, fiat cumpostu dae Mattia Accalai, Mirko Antoniello, Manuel Barreras, Jacopo Bua, Manuel Campus, Gianluca Carta, Alexander Carzedda, Federico Cassetta, Alessandro Casu, Paolo Chisu, Daniele Dibari, Nicolò Farina, Andrea Malesa, Andrea Mariano, Giovanni Maria Mette, Guglielmo Mutzu, Darius Petrescu, Filippo Pinna, Alessio Piredda, Alex Pitta, Antonio Poggi, Mattia Remolif, Massimiliano Sanna e Michele Varrucciu. Sa presèntzia de sa dotzente moderadora de classe, Antonietta Confalonieri, at dadu fortza e ànimu a sos pitzocos impinnados in sa finale.

A dolu mannu, durante sas premiatziones est istadu annuntziadu chi s’editzione de su 2024 at a èssere s’ùrtima pro su Rally Matemàticu Transalpinu, chi at a serrare a pustis de trintun’annos de faina. Sa professora Santandrea at naradu de èssere satisfata meda siat  pro sa vitòria, siat pro èssere resèssida a fàghere apassionare una classe de iscolano chi a su comintzu fiant pagu interessados a una disciplina cumplessa comente sa matemàtica. “S’orgòlliu prus mannu, prus mannu de su de àere bintu,” at naradu, “est su de èssere resèssidos a motivare una classe a una materia cumplicada cun su giogu. Cando intendo is piseddos chi mi narant professorè, “dae s’annu chi benit apo a istudiare de prus matemàtica’ est una satisfatzione chi non potzo descrìere”.


Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018

De lèghere

Atualidade

Domìniga su 16 de làmpadas, in ocasione de sas Dies Europeas de s’Archeologia, sa sotziedade Archeonova, chi gestit sos giassos de S’Arcu de is...

Atualidade

Casteddu, Tàtari e S'Alighera. Su tzentru manca nche colat su 50% evitende su ballotàgiu

Atualidade

Sambenadu sardu, fiat candidada fintzas in sa tzircuscritzione ìsulas. Como sa chistione de s'immunidade

Atualidade

Su de bator postos a su giogadore aristanesu Giuseppe Massidda, in una manifestatzione dominada dae sos giòvanos. Lorenzo De Ieso, de sa sotziedade ArzaChess,...