Sighit su biàgiu de sa de XVI Editziones de IT.A.CÀ Fèstival de su Turismu Responsàbile chi dae maju a santandria, dae nord a sud de Itàlia, colende dae is ìsulas, faghet torrare a iscobèrrere logos ùnicos e meravigiosos in su respetu de sas comunidades chi bi istant e de sa natura. A pustis de sas tapas a Monte Catria in sas Marcas e Cuartu S. Aleni in Sardigna at a sighire in austu e in cabudanni in Umbria, Campània, Emìlia Romagna, posca torrat a Sardigna, e torra a Sitzìlia e Lombardia.
In Ogiastra, su 13 e su 22 cabudanni, in sos territòrios de Àrthana, Lanusè e Biddamanna Strisàili, in programma escursiones, laboratòrios, essidas in su sartu e seradas astronòmicas. Sas fainas includent sa produtzione de casu, apicultura, arte culinària locale, e passigiadas in su “Selvaggio Verde”.
Su fèstival IT.A.CÀ, chi in dialetu bolognesu bolet nàrrere ‘ses in domo’, est unu biàgiu tzirculare chi movet de domo pro torrare a domo, avalorende su caminu e s’àndala chi si faghet. Partetzipare a su fèstival signìficat aderire a unu percursu de respetu pro s’ambiente e su cuntestu sotzioculturale. Cada tapa de su fèstival, su tema de ocannu est “Raighinas in Movimentu” (Radici in Movimento), rapresentat una rete de persones impinnadas a avalorare su territòriu issoro.
In sa costa orientale de sa Sardigna, basada dae su mare e amparada dae sos Tacos e dae sos montes de su Gennargentu, s’agatat s’Ogiastra. Una terra chi bivet in armonia cun su ritmu de sa natura e de sa vida, meravigiosa in cada istajone de s’annu.
Sa tapa Ogiastrina, in programma su 13 e su 22 de cabudanni, at a tocare sos Comunos de Lanusè, Àrthana e Biddamanna Strisàili, in su coro prus birde e autènticu de sa Sardigna. In sos addòbios s’at a contare su raportu chi custas comunidades tenent cun su montem cun una mirada narrativa istòrica finas a s’època nuràgica, No ant a mancare sos momentos de cumpartzimentu sotziale cun betzos e betzas, chi sunt sa memòrias istòrica de custas biddas, chi nos ant a contare sos segretos de sa longevidade.
Sa narratzione de custas comunidades nostras no at a pòdere èssere iscapiada dae su patrimòniu culinàriu de sa coghina ogiastrina, famada pro sos culurgiones cun màrchiu IGP chi rapresentant su pratu prìntzipale de sa gastronomia identità ria sua.
Iscàrriga su programma cumpletu
Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018
