S’iscuadra de apnea prus forte de Italia est in Sardigna, in Casteddu propiu. Est cussa chi at bìnchidu totu is tìtulos chi si podent bìnchere in Italia. Su 20 de su mese de maju in Torino sa BlueWorld at conchistadu su tìtulo italiano “assoluti” chi andat a faghere sa summa cun su de “apnea profonda” (conchistadu ocannu in Villasimius) e cussu de apnea pro categorias (in Fabriano). Sa BlueWorld fiat giai istada campione de Italia indoor pro tres annos e pro duas bortas campione italiana outdoor.
In s’ùrtima competitzione sos sardos ant balangiadu 759 puntos, 130 prus de sa segunda iscuadra sa Sotto Sotto de Torino (629). Sa de tres est istada sa Gonzatti de Genova cun 258 puntos. “Torro gratzias a totu is atletas de s’iscuadra e a totu su staff” narat su presidente de BlueWorld Roberto Mattana chi tenet paraulas mescamente pro s’allenadore Riccardo Mura. Est issu, in paris cun Simone Bagliani chi at istudiadu sa mègius strategia pro bìnchere, su printzipale artefice de s’impresa.
Ma sena alenu, tocat a ddu narrere, sunt abarrados sos apneistas. Sunt issos chi ant fatu sa gara. In evidentzia nche sunt istadas Alessia Frau e Sara Battolu, prata e bronzo in su Speed 100 metros, e tra is fèminas puru Mirna Muscas. Tra sos òmines de importu mannu sa gara de Simone Bagliani e Marco Argiolas.
