Sighit sa protesta de massajos e pastores in Sardigna. Dae tres notes sunt dae in antis su portu de Casteddu.
Non s’ischit cando at a acabare sa protesta: is manifestantes ant a detzìdere de si firmare isceti de acòrdiu cun is pastores chi in custas dies lutant pros is matessi batallas in su restu de Itàlia e in Europa. Totus sunt isetende un’addòbiu cun is rapresentantes polìticos de is istitutziones natzionales e europeas.
Una note, cudda tra giòvia e chenàbura colada dae is manifestantes a manera diferente: clacson e lughes de is tratores e chelu illuminadu dae is fumògenos pro ammentare fintzas a sa tzitade chi su presìdiu contra is polìticas agrìculas de s’Unione europea at a sighire.
Giòvia pastores e massajos ant fatu unu corteu in Casteddu cun is tratores issoro. Tapa puru in Assèmini pro sa partida de su Casteddu contra a su Pirri e a s’acabu addòbiu cun su giogadore Nandez. Sa punna est istada cussa de fàghere connòschere is resones de sa protesta cumintzada martis cun su presìdiu in su portu.
Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018
