“Torrare a sa vida pròpia de sas comunidades e a sa solidariedade chi las distinghet pro s’abèrrere cara a s’esternu, gasi de criare oportunidades noas pro sas biddas”.
Cun custas paràulas sa presidentas de sa Regione Alessandra Todde at serradu in Cala Gonone, sa cunferèntzia finale de sa de tres editziones de “Nois Caminamus a Sardigna “Noi camminiamo in Sardegna”.
Pro una chida, partinde dae su 30 de cabudanni, sa manifestatzione at animadu totu sa Sardigna cun 15 percursos, oto propostos dae sos Caminos iscritos a su Registru regionale (Cammino di Sant’Efisio, Cammino Francescano in Sardegna, Cammino minerario di Santa Barbara, Cammino di Santu Jacu, Cammino di San Giorgio vescovo di Suelli, Cammino 100 Torri e Via dei Santuari) prus su progetu – pilota Cammino dei Beati, e sete percursos propostos dae sas destinatziones de pellegrinàgiu de sa Sardigna(Boruta, Durgali, Garteddi, Gèsturi e Làconi in paris, Logusantu, Orgòsolo, Santu Antiogu).
S’eventu, chi at pertocadu 70 Comunos e est patrotzinadu dae su Ministèriu de su Turismu, faghet parte de unu progetu ativadu dae s’assessoradu de su turismu, artesania e cummèrtziu, pro sa valorizatzione de su ‘turismu esperienziale, lentu e sustenìbile’.
A s’aggabbu de sos traballos s’assessore de su Turismu Franco Cuccureddu at naradu: “In Sardigna podimus bìvere de turismu, tocat pesare sa cuota de pesu subra de su Pil regionale, pro s’acurtziare a sa mèdia natzionale: bisòngiat istruturare produtos turìsticos pro sos mercados, avalorende identidades, sustenibilidade ambientale e sotzioeconòmica, cales valores agiuntos de s’oferta regionale”.
Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018
