Sighi∙nos

Salude, ite ses chirchende?

Tzitades e biddas

In Casteddu proibidu acapiare sas bitzicletas a sos palos

In Casteddu at a èssere proibidu acapiare sas bitzicletas a sos palos, contraventziones finas a 500 èuros. Sa Fiab faghet ricursu a su Tar: “In mancàntzia de porta-bitzicletas est violatzione a su diritu a sa mobilidade”.

Pro su regulamentu de seguridade e politzia urbana de Casteddu, aprovadu dae su Cussìgiu Comunale, incadenare sa bitzicleta a sas infrastruturas pùblicas non destinadas a custu iscopu at a costare finas 500 èuros de contraventzione. In deretura sunt lòmpidas sas chèscias de tziclistas e mescamente de sa Federatzione Italiana Ambiente e Bitzicleta de Casteddu, chi at depositadu unu ricursu a su Tar Sardigna contra custa detzisione.

A bisu de Virgilio Scanu, presidente Fiab Casteddu, in Casteddu non b’at porta-bitzicletas, e a mala bògia sos tziclistas si devent arrangiare acapiende sas bitzicletas a sos lampiones o a sos palos de sa lughe. S’amministratzione no at iscurtadu sas propostas nostras e pro custu amus detzisu de fàghere ricursu a su Tar pro amparare su deretu a sa mobilidade de sos tzitadinos chi impreant sa bitzicleta pro s’ispostare in tzitade”.

“S’artìculu 19 de su regulamentu– narat su comunicadu de sa Fiab – est in contradditzione cun sas normativas natzionales e europeas chi pertocant sa ‘mobilidade sustenìbile’ e cun su Pianu urbanu de sa mobilidade sustenìbile adotadu dae su Comunu de Casteddu etotu chi, tras sas punnas suas, tenet sa ‘promotzione e introdutzione de mèdios a bassu impatu incuinante’ puru su ‘megioru de sa mobilidade pro sas persones a bassu rèditu’.

Cun su ricursu a su Tar Sardigna sa Fiab Casteddu bolet pònnere in evidèntzia comente sa proibitzione at a nòghere a sa tzirculatzione de sas bitzicletas in tzitade, pro custu s’assòtziu at sighire a gherrare in sas sedes prepostas pro more chi sos deretos a sa mobilidade de sos tziclistas siant amparados.

De lèghere

Cultura

S’Ars Artium Editrice e s’Assòtziu “Forma e Materia” annùntziant s’inghitzu de sa de chimbe editziones de su cuncursu literàriu “Faraglioni d’Ogliastra”, chi tenet sa...

Atualidade

In Putzu Idu Assemblea Natzionale Sarda at organizadu sa prima letzione de Yoga in limba. Cantas bias s’intendet nàrrere: “Su sardu non faghet a...

Cultura

Sighit mèrcuris su 17 in Lodine e giòbia su 18 de trìulas in Urtei (a pustis de s’esòrdiu de Iscanu e de sa segunda...

Cultura

Unu documentàriu subra de sa pratza IV Novembre e unu videoclip cun su tìtulu “Ombre sull’asfalto”. Sunt sos progetos finales de sos laboratòrios Kuntralab...