Torrat Cubas, su cursu gratùitu de limba sarda – Comente partetzipare S'ant a tènnere in Casteddu, Tàtari, Nùgoro e Aristanis, dae santugaine a nadale 2018

Sunt abertas sas iscritziones a sos cursos gratuitos de limba sarda: Cùrsu bàsicu e Cùrsu de aprofundimentu. Sos cursos programmados sunt 2 pro 20 oras cada unu e s’ant a tènnere in Casteddu, Tàtari, Nùgoro e Aristanis, in su perìodu tra santugaine e nadale 2018.

Su chi si depet tènnere pro partetzipare. Sas iscritziones sunt abertas a is chi tèngiant un’edade cumprèndida tra sos 18 e sos 55 annos e tèngiant unu connoschimentu mìnimu de sa limba o chi apant frecuentadu sos pretzedentes cursos de su primu livellu; chi tèngiant unu connoschimentu de sa limba o ant giai frecuentadu sos cursos de segundu livellu.

Sas matèrias. Sos argumentos tratados ant a èssere: limba sarda tra oralidade e iscritura, assuntos de ortografia e grammàtica, laboratòriu de iscritura e tzinnos in sa legislatzione in matèria de minorias linguìsticas. Ant a èssere ammìtidos unu nùmeru màssimu de 40 partetzipantes a cada corsu e pro ogni sede. A s’acabu s’at a èssere emìtidu un’atestadu.

Sa dimanda. At a dèpere èssere imbiada intro sas oras 13 de su 28 de su mese de cabudanni 2018 in manera ùnica cun una mail (gai de atestare sa data e s’ora de s’imbio) a s’indiritzu: pi.cultura.sarda@regione.sardegna.it. Dudas ant a pòdere èssere rechertas a s’Isportellu Linguìsticu Regionale dae sas 9 a sas 13 a sos sighentes nùmeras: Casteddu – 070 6064948/070 6065067; Tàtari – 079 2088567 o a Cristina Baiocchi: 070 6064544.

T'est pràghidu s'artìculu? Connosches bene s'argumentu e boles iscrìere carchi cosa pro megiorare s'informatzione? Iscrie·nos una lìtera a redatzione@istorias.it.