Sighi∙nos

Salude, ite ses chirchende?

Atualidade

Turistas chi non connoschent sa Sardigna

Foto de Riccardo Pitzalis: https://www.pexels.com/it-it/foto/citta-strada-traffico-paesaggio-6694374/

Sa Sardigna est unu logu galu pagu connòschidu dae sos turistas. Belle su 80% de sos turistas chi arribbat in s’ìsula, difatis, bìsitat isceti su 10% de su territòriu, andende in sas localidades prus connotas, e isceti su 20% de sos turistas detzidet de andare a bisitare su restu.

Est iscritu in unu raportu de Eager Srl- azienda tecnològica sarda ispetzializada in anàlisi de sos flussos turìsticos. In generale in s’ìsula sos turistas sunt semper de prus mescamente in istiu, cun unu +26% de variatzione respetu a su matessi perìodu de s’annu coladu. Abarrant invariadas sas positziones de sas metas prus bisitadas.

Terranoa, Casteddu e S’Alighera sas destinatziones in conca, nointames “in sa prima sos turistas si cuntzentrant in sos meses dae làmpadas a austu cun su 90% de sas rechertas. Casteddu est tra sas tzitades chi sunt crèschidas de prus in tèrmines pertzentuales, mescamente in sos meses de ghennàrgiu e abrile, sighida dae Istintinu”.

Tra sas metas in Sardigna, sas chi ant dimustradu un’interessu chi creschet de sos biagiadores in su 2022, bi sunt sas destinatziones in su sud de s’ìsula: Crabonaxa (+19%), Castiadas (+18%) e Domus de Maria (+18%). Sighint Murera, Santu Antiogu e Pula. Tra sas destinatziones de s’internu chi ant registradu tassos de crèschida prus de importu si signalant fintzas Aritzu (+17,28%), Seulu (+38,16%) e Azos (+46,3%).

In crèschida s’interessu pro sos biàgios culturales, cun unu +15% de intradas a sitos archeològicos: Barùmini, Tharros, Nora, Santa Cristina. In crèschida siat sas metas naturales e a s’àera aberta, che pro nàrrere su Parcu regionale de Porto Conte, su Parcu natzionale de s’Asinara e Tavolara, chi sos logos de sa cultura “indoor”: su Museu tzìvicu Giovanni Marongiu, Porto Flavia e su Cumpèndiu de Garibaldi.


Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22

Attività realizzata col contributo della Regione Sardegna – IMPRENTAS 2021-2022. LR 22/2018, art. 22

De lèghere

Cultura

Si podet fàghere arte e tzìnema fintzas impreende unu telefoneddu. In su mundu nche sunt medas festival de tzìnema chi promovent pellìculas realizadas gràtzias...

Atualidade

Prus de 18 mìgias sardos ant lassadu s’Ìsula in sos ùrtimos tres annos. Una comunidade manna comente a su comunu de Pauli, comente sa...

Cultura

Si narat “La tua memoria è la nostra memoria”, su progetu aparitzadu dae su Comunu de Boruta chi punnat a sa realizatzione de un’archìviu...

Cultura

Sete òperas de Goya, tres fotografias de cales una mai esposta de Dalì e chimbe intzisiones suas, bator figuras de Eduardo Arroyo, unu disinnu...