Goletta Verde contra su cementu in sa costa de Terranoa

In barca e in su mare  de su Golfu de Terranoa contra a s’ispeculatzione edilìtzia subra de sa costa de su nord est Sardigna.

Goletta Verde, s’imbarcatzione ambientalista de Legambiente cun sos comitados de tzitadinos ant protestadu gasi, cun l’islogant “bogais sas manos dae sa costa”, pro s’opònnere a sos progetos de ampliamentos e lotizatziones  subra  Sa Testa e a Capo Ceraso.

“Non cumprendimus comente est possibile imaginare de cementificare custas àreas  cun fàbricos de 140.000 metros cubos in Capo Ceraso e 70.000 metros cubos in su montigru de Sa Testa” at decraradu Cristina Dessole, de su Tzìrculu Legambiente Gallura, referende·si a sos programas cuntènnidos in su Puc de su Comunu de Terranoa.

“Comente at fintzas osservadu sa Regione Sardigna, sas òperas cuntènnidas in su Puc de su Comunu de Terranoa sunt contra  sos obietivos de cunservatzione e amparu de s’àrea. Avalorare custos logos signìficat los amparare dae su tzimentu e garantire un’isvilupu econòmicu e turìsticu sustenìbile, chi sigat sa naturale apentu suo de territòriu abertu e fruibile.Cun sa manifestatzione de oe, paris cun Goletta Verde, nos auguramus chi custos progetos siant  abbandonados; nois amus a sighire a nos adobbare pro amparare su territòriu nostru de noos assaltos ispeculativos”.

Acabada sa tapa gadduresa, lunis 12 trìulas in Casteddu, a sas 10,30 in sa sede de sa Lega Navale, a Su Siccu, Goletta Verde at a acrarire sos datos subra de su compudu fàghere in sas costas sardas.

T'est pràghidu s'artìculu? Connosches bene s'argumentu e boles iscrìere carchi cosa pro megiorare s'informatzione? Iscrie·nos una lìtera a redatzione@istorias.it.

Iscrie pro primu

Cummenta

Sa mail non at a èssere publicada


*