Un’òmine de 49 annos s’est ochidu in su càrtzere de Uda acanta fiat detentu, impichende·si in sa tzella sua pagas dies a oe.
A ddu nàrrere est sa presidente de s’assòtziu Socialismo Diritti e Riforme, Maria Grazia Caligaris. “Cumintzu de annu tràgicu in sa domo circondariale de Casteddu-Uda – afirmat s’ex cussigera regionale -. mancari su tentativu de sos mèigos de su 118 non b’at àpidu nudda de fàghere. S’òmine, originàriu de Uras (Aristanis), prus de una borta aiat proadu a si ochire – ispiegat Caligaris – cun atos de autolesionismu”.
“Su primu suitzìdiu de su 2025 in su cartzere ponet s’atentzione subra de sas graves cunditziones de affollamentu- cummentat sa presidente de Sdr -. Serbint initziativas pro garantire su deretu a sa salude in logos adecuados a sos bisòngios de chie est in dificultade pro problemàticas psìchicas”.
