In Mògoro torrat Bìfoto, pro promòvere sa cultura fotogràfica in Sardigna

Torrat BìFoto, sa manifestatzione dedicada a sa fotografia in Sardigna, chi si faghet cada annu a Mògoro pro promòvere sa cultura fotogràfica in s’Ìsula, impreende una fòrmula chi permitat a is bisitadores de bìvere su fèstival in seguridade in su momentu delicadu de sas aberturas a pustis de sa pandemia de su virus Corona. Ispirende•si comente in is annos colados a unu testu musicale, s’editzione 2021 de su BiFoto Fest at seberadu su tìtulu de sa cantzone ‘Lìberi tutti’ de is Subsonica.

Su fèstival est partzidu in duas partes. Sa primu, Ritratti in piazza, est cumentzadu chenàbura s’11 de mese de làmpadas 2021, in pratza Santu Antiogu a Mòguru, e est cunsìstidu in sa realizatzione de retratos de is tzitadinos de sa bidda, fatos dae s’iscuadra de BiFoto Fest.

Sa segundu fase at a cumentzare chenàbura su 25 de làmpadas 2021 cando, semper in pratza Santu Antiogu, at a èssere inchingiada s’installatzione a “Su Scollasticu”, su palàtziu comunale acanta a unu tempus bi fiat un’iscola: in trintoto ventanas de s’edifìtziu ant a èssere collocadas is fotografias de is retratos realizados s’11 de mese de làmpadas, chi a de note, pro chimbe meses, ant a èssere illuminadas cun un’efetu visivu ispantosu.

Nàschida in su 2011 pro initziativa de Vittorio Cannas e Stefano Pia, sa manifestatzione BìFoto in is editziones coladas at acasagiadu fotògrafos de grandu importu de su panorama natzionale e internatzionale, donende semper meda atentzione fintzas a is giòvanos.


Atividade realizada cun su contributu de sa Regione Sardigna – Imprentas 2020-2021. Lr 22/2018, art. 22
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

T'est pràghidu s'artìculu? Connosches bene s'argumentu e boles iscrìere carchi cosa pro megiorare s'informatzione? Iscrie·nos una lìtera a redatzione@istorias.it.

Iscrie pro primu

Cummenta

Sa mail non at a èssere publicada


*