Torrat Monumentos abertos, biàgiu a s’iscoberta de logos famados e cuados de Casteddu

Torrat un’eventu chi in su perìodu de su virus Corona est mancadu a totu sos sardos, mescamente a sos casteddajos. Monumentos abertos, sa grandu manifestatzione nàschida in 1997, ocannu at a torrare in sos caminos e in sas pratzas de Casteddu, sàbadu 13 e domìniga 14 de santandria, pro tzelebrare sa de bintighimbe editziones suas pròpiu in su logu acanta est cumentzada.

Binti sos giassos propostos cun chimbe percursos, pro contare sa tzitade de Casteddu gràtzias a sas bintinoe iscolas e bintitrès assòtzios interessados. Un’editzione chi est galu limitada dae sa pandemia e chi si presentat in una versione minore, ma chi torrat in presèntzia: pro pòdere bisitare sos monumentos o partetzipare a sos percursos, difatis, at a tocare a prenotare.

Sa de bintighimbe editziones de Casteddu Monumentos Abertos at a èssere inchingiada a ora de sas 10 de sàbadu 13 de santandria in su Tzentru comunale Il Ghetto, dae unu cuartetu de arcos e percussiones, formadu dae dischentes de su Cunservatòriu “P. da Palestrina” de Casteddu, chi at esecutare una mùsica originale cumposta a posta pro sa manifestatzione. At a sighire sa projetzione de su filmadu “Il sogno di chi?”, realizadu in s’àmbitu de su progetu “CIAK. L’arte del Cinema per l’inclusione”, finantziadu dae su Ministeru de su Traballu e de sas Polìticas Sotziales e realizadu dae s’Assòtziu Culturale Imago Mundi OdV.

Intre sos binti giassos b’at tres novidades: su Giardinu de sa Facultade de Iscièntzias Econòmicas, Su MUACC – Museu Universitàriu de sas Artes e de sas Culturas Cuntemporàneas e su Parco Nervi.

Custos sos monumentos chi s’ant a pòdere bisitare:
Basilica di San Saturnino
Bastione di Saint Remy
Passeggiata Coperta e Galleria dello Sperone
Chiesa di San Michele, Cimitero Monumentale di Bonaria
Cripta di Santa Restituta
Galleria Comunale d’Arte
Il Ghetto
Museo archeologico nazionale
Orto Botanico
Palazzo Civico
Palazzo dell’Università
Palazzo Viceregio
Parco dell’Autonomia di Villa Devoto
Parco Naturale Regionale di Molentargius
Pinacoteca
Tuvixeddu
Spazio San Pancrazio – Cittadella Musei

Non isceti bìsitas a sos monumentos, ma comente in annos colados, fintzas percursos, a comintzare dae ‘Trentapiedi dei Monumenti’, chi proponet duos percursos distintos: Il racconto della città dall’alto e Scrigni di arte dal Medioevo ad oggi. Sos percursos, sighende unu tratzadu ideale dae intro a foras de sos muros medievales de sa tzitade, ant a permìtere a sos turistas de iscobèrrere logos cuados de Casteddu.

Un’àteru percursos propostu at a èssere su de su “Colle Santa Elia”, a cura de s’Assòtziu Segugi Carsici e su de “Piazza Arsenale”, contu istòricu de sas Fortificatziones de su bighinadu de Castello.
At a èssere possìbile prenotare intrende in giassu www.monumentiaperti.com e bisitende sa pàgina dedicada a Casteddu. Pro nde ischire de prus bastat a iscrìere a prenotazioni@monumentiaperti.com


Atividade realizada cun su contributu de sa Regione Sardigna – Imprentas 2020-2021. Lr 22/2018, art. 22
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

T'est pràghidu s'artìculu? Connosches bene s'argumentu e boles iscrìere carchi cosa pro megiorare s'informatzione? Iscrie·nos una lìtera a redatzione@istorias.it.

Iscrie pro primu

Cummenta

Sa mail non at a èssere publicada


*