Sa cummissione natzionale de s’Unesco at acollidu sa proposta de candidadura de is Domus de janas comente patrimòniu mundiale de s’umanidade.
Est su primu obietivu pigadu dae su comitadu promotore ghiadu dae su Cesim – Centro Studi Identità e Memoria, sustentadu dae sa Regione e dae sa rete de 37 comunos in ue sunt is Domus de janas.
Como sa proposta andat a s’esàmene de is organismos consultivos de su comitadu de su patrimòniu mundiale, cun sede in Parigi, pro valutare sa cunformidade de is critèrios propostos a is règulas de s’Unesco.
In is primos meses de su 2025 b’at a èssere sa detzisione finale. Cuntentu fintzas su ministru de sa Cultura Gennaro Sangiuliano: “Est positivu chi sa cummissione natzionale Unesco apat acollidu sa proposta de su ministèriu de sa Cultura e apat detzìdidu de presentare is Domus de janas pro s’iscritzione in sa lista de su patrimòniu mundiale”. Is domus de janas sunt una testimonia istòricu-culturale de importu universale”.
Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018
