Sighi∙nos

Salude, ite ses chirchende?

Cultura

Carbònia contada in sete pellìculas de bìere in lìnia

Su catàlogu de sas produtziones de sa Fabbrica del Cinema gratùitu e disponìbile in lìnia. Dd’at annuntzadu su Csc Carbònia de sa Società Umanitaria: s’ant a pòdere castiare sete pellìculas subra de sa prataforma onlinesardegna.umanitària.it,

Cun custos sete film, chi faeddant de unu territòriu intre unu deghènniu, sa produtzione est istada capatza de realizare unu percursu subra de sa memòria. Una nota de importu est cussa de sutalineare s’interessamentu a su progetu de giòvanos autores chi ant traballadu impreende sas istruturas postas a disponimentu dae su tzentru pro sa cunservatzione, sa produtzione e sa promotzione de sa memòria istòricu-audiovisiva de su territòriu.

Sos tìtulos in catàlogu ant a abbarrare in lìnia ses meses, finas a su mese de austu 2022.

Custos sos film propostos:

“La Terra Dentro” de Stefano Obino, realizadu in su 2011, e difatis sa prima produtzione de Sa Fàbrica de su Tzìnema, subra de su personàgiu de Pietro Cocco, sìndigu istòricu de sa tzitade de Carbònia. Unu traballu chi aiat bidu interessadu unu grupu de giòvanos professionistas de su territòriu pro unu progetu chi at rugradu produtzione e formatzione.

“Racconti di un viaggio dentro la Memoria” est su contu de su “Biàgiu de sa Memòria” chi cada annu acumpàngiat deghinas de pitzocas e pitzocos sardos a bisitare sos campos de cuntzentramentu de Auschwitz e Birkenau in unu progetu promòvidu dae Arci Sardigna paris cun Deina.

“Carbonia, 10 Aprile 1965 – Una Marcia per la Vita” est unu documentàriu nàschidu dae un’idea de su giornalista Sandro Mantega e, a traessu de sas testimonias de sos protagonistas, contat sa protesta chi aiat bidu 200 minadores mòvere a pees de sa miniera de Serbariu cun destinatzione Casteddu pro rivendicare su passàgiu a s’Enel.

“Fare per Capire – Cinquant’anni di storia della Società Umanitaria nel Sulcis-Iglesiente” est sa pellìcula realizada dae Paolo Carboni pro contare s’istòria de su Csc Carbònia dae sa boghe de sos operadores culturales suos e de chie cun sa Sotziedade Umanitària s’est formadu.

“Jukebox al Carbone – LATO A e LATO B” est unu progetu chi contat sas evolutziones sotziales de su territòriu e de sa tzitade bidas a traessu sa mùsica, dae sos annos ’60 finas a sas dies nostras. Dae un’idea de Andrea Murgia, cun sa regia de Daniele Arca, sas mùsicas originales de Luca Gambula e sos testos de Francesco Peddoni.

“Pani Antigu”, pro sa regia de Simone Antonio Manca, prodùidu paris cun su Tzìrculu Anspi Santa Vitalia de Is Urigus, est un’alternàntzia intre passadu e presente, e contat s’istòria de sas fases de traballadura de sa filiera de su pane.


Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22 Attività realizzata col contributo della Regione Sardegna – IMPRENTAS 2021-2022. LR 22/2018, art. 22

Pro respùndere

Leave a Reply

Sa mail no at a èssere publicada

De lèghere

Atualidade

In Sardigna unu binu fatu cun s’àgina lassada pasare in su mare. Est unu vermentinu diferente dae is àteros su realizadu dae s’enòlogu Andrea...

Passadu presente

Ite nos contat su 1848? Pro seguru est su momentu istòricu in ue sa cuntierra intre mundu nou e mundu restauradu nche crompet a...

Atualidade

In Casteddu esistet una biblioteca de sos fumetos. Est istadu presentadu in maju Casteddu, dae s’iscritore e regista Bepi Vigna, s’Archìviu multimediale de s’imaginàriu...

Atualidade

Sa vida a pustis de sa morte. Est acontèssidu in Cùllieri in ue, un’annu a oe, unu fogu mannu aiat brusiadu ètaras e ètaras...

Istòrias est una revista de informatzione in linia in limba sarda a règula cun s'istandard de sa Regione Sardigna. Est unu produtu de s'Asòtziu culturale Arvéschida.


|Gerèntzia | Pro ite custa revista | Riservadesa | Archìviu |


Copyright © 2022 |Registratzione in su Tribunale de Casteddu n°5 de su 14 de su mese de Trìulas 2018