Su caminu de is seberadoras (il cammino delle cernitrici) est una de is àndalas prus prenas de memòria e de significados fungudos. S’agatat in Buggerru e est unu caminu chi remonat is logos e is istòrias de is fèminas chi ant agatadu sa morte in miniera su 18 de martzu de su 1913.
Fiant unu grupu de 9 giòvanas seberadoras, isfrutadas pro traballare is minerales bogados dae sa mina de Malfidano. S’incàrrigu issoro fiat su de seberare is pedras ricas de òssidos de prumu e zingu, semper pompiadas dae “caporale” de sa miniera. Traballaiant in suta de is mojolos mannos acanta fiat assetiada sa mesa de traballu pro su seberu de su minerale. Cussa die, unu de cussos mojolos mannos at tzèdidu e su muntone de pedras bogadas dae su monte nch’est acabbadu in pitzu de sa mesa de traballu, tenende de suta sa giòvanas minadoras.
In memòria issoro, fèminas e òmines de Forestas, a Genn’Arenas, acanta su paesàgiu e sa flora locale benit amparadu e preservadu, cada annu assèliant su caminu de sa #RES n.306, impreadu dae medas escursionistas chi, in prus de ammirare sa bellesa de su logu, podent connòschere fintzas s’istòria de cussas operajas malassortadas. Su sentidu de custa istòria est chi non tocat a si subènnere s’8 de martzu ebbia. Su bellu de custa istòria est chi a bias, caminare e ammentare, est meda prus bellu.
Bortadu in sardu dae: pàgina Facebook de Agentzia Regionale Forestas
