S’assessore a sa Cultura e a s’Istrutzione pùblica de sa Comuna de Aristanis, Massimiliano Sanna, at cunsignadu a is dirigentes iscolàsticos tzitadinos is libretes de limba sarda pro is istudiantes de is classes cuinta de is iscolas primàrias.
S’initziativa faghet parte de su progetu “Limba sarda, limba de s’identidade, limba de su mundu”, aparitzadu dae sa Provìntzia de Aristanis e est finantziadu cun sa lege 482 de su 1999, pro sa tutela de is minorias linguìsticas istòricas de s’Istadu italianu. “Tra is vàrias de promotzione – ispiegat s’assessore Sanna – custa at prevididu sa realizatzione de libretes de informatzione in limba sarda dedicados a sa didàtica e donados a is iscolanas e iscolanos de is classes V de is iscolas primàrias de is comunas de sa Provìntzia de Aristanis”.
Durante s’addòbiu cun is dirigentes iscolàsticos de is bator istitutos cumprensivos de sa tzitade s’assessore Sanna at illustradu su balore artu de s’initziativa pro sa tutela de is linguìsticas minorias e istòricas. “S’initziativa est pràghida meda a is dirigentes, a is insegnantes e a is iscolanos – at osservadu Sanna. “Is interventos de formatzione finantziados dae sa lege 482/99 previdet, is fainas culturales e sa promotzione de sa limba sarda in intro de s’pmministratzione pùblica serbint a donare balore a su sardu non solu in àmbitu familiare, ma fintzas iscolàsticu. Custu at a favorire s’impreu de sa limba materna dae banda de is pitzinnas e de is pitzinnos comente esperièntzia comunicativa noa chi at ismanniare in issos su sentidu identitàriu”.
Atividade realizada cun su contributu de sa Regione Sardigna – Imprentas 2020-2021. Lr 22/2018, art. 22
Attività realizzata col contributo della Regione Sardegna – IMPRENTAS 2020-2021. LR 22/2018, art. 22
Cummenta