In Mòguru sunt organizende su fèstival Internatzionale de Fotografia. S’editzione de su 2025 est ispirada a s’album “Bitter Tears” de Johnny Cash e s’at a tènnere su 3 e 4 ladàmini 2025. Su tzentru istòricu s’ant a trasformare, comente cada annu, in unu museu abertu a totus.
Su BìFoto Fest – Fèstival Internatzionale de sa Fotografia in Sardigna est lòmpidu a sa de bìndighi editziones suas: unu traguardu de importu pro una manifestatzione intre sos eventos prus nòdidos in su panorama fotogràficu sardu e natzionale.
Protagonista de s’editzione 2025 at a èssere Dario Coletti (Roma, 1959), fotògrafu professionista e pubblicista chi at dedicadu sa chirca sua intre documentàriu, fotografia sotziale e antropologia visiva. Ativu dae sa fine de sos annos Otanta, at collaboradu cun giornale, istitutziones e organizatziones umanitàrias italianas e internatzionales. In sos ùrtimos annos at crèschidu sos limbàgios pròpios, esplorende su documentàriu e s’autoproduzione editoriale. Coletti est finas una figura tzentrale in sa didàtica. Sas imàgines suas sunt cunservadas in bibliotecas e museos italianos, e dae prus de trinta annos frecuentat a fitianu su territòriu sardu, realizende documentàriu de caràtere sotziològicu e antropològicu chi ant dadu vida a medas publicatziones. In su 2024 at retzidu su Prèmiu Flaiano pro sa fotografia.
Comente traditzione, su BìFoto Fest cada annus pigat ispiratzione dae un’òpera musicale: pro s’editzione 2025 at a èssere “Bitter Tears” de Johnny Cash, album de su 1964 chi dat boghe a su dolore e a sa resistèntzia de sos nativos americanos, espropriados de sas terras e identitade issoro.
Unu parallelismu cun sa Sardigna, terra a s’ispissu oprimida dae lògicas esternas, ma chi chircat de custoire cun orgòlliu s’identidade pròpia. Coletti at a ofèrrere unu puntu de bista esternu pro collire sas contradditziones e s’autentitzidade de s’ìsula.
Ultres a sas mustras, comente semper a s’abertu intre sas bias de su tzentru istòricu de Mòguru, trasformende sa bidda in unu museu cun prus de 400 òperas, su fèstival dèdicat un’initziativa a sos prus giòvanos: “Mar Milla”, su cuncursu fotogràficu dedicadu a sos pitzocos finas a sos 17 annos.
Pro custa editzione de su BìFoto naschet fintzas “Mar Milla”, su cuncursu fotogràficu riservadu a giòvanos e giòvanas finas a 17 annos chi bivint in sos comunos de Gonnostramatza, Masuddas, Mòguru, Pompu, Simala, Siris.
S’initziativa cumbidat sos giòvanos a contare s’istiu a tesu dae su mare, donende valore a sos gestos prus piticos, a sos sartos, a sos eventos locales e a sas atmosferas fitianas de sos logos issoro. Su tema seberadu pro ocannu est: “S’istiu in su Parte Montis”.
Sas iscritziones sunt abertas finas a su 21 de cabudanni 2025. Su regulamentu cumpletu e ddu agatais in su situ ufitziale de su fèstival a s’indiritzu https://www.bifotofest.it/ita/mar_milla_concorso_fotografico-n4580.
Sa de XV editziones de su BìFoto Fest est organizada dae Bifoto Aps cun s’agiudu de sa Fundatzione de Sardigna e de su Comunu de Mòguru, cun sa diretzione artìstica e sa diretzione organizativa curada dae Vittorio Cannas e Stefano Pia.
Attività realizzata col contributo della Regione Sardegna – IMPRENTAS 2024-2025. LR 22/2018. Atividade realizada cun su contributu de sa Regione Sardigna – IMPRENTAS 2024-2025 LR 22/2018
