Sighi∙nos

Salude, ite ses chirchende?

Atualidade

Sa primu fèmina a ghiare un’assòtziu de persones cun disabilidades de sa bista

Monica Taula

S’ogiastrina Monica Taula est sa presidente natzionale noa de s’Anpvi, s’Assòtziu natzionale privos de sa bista e ipovedentes. Sa collaboratzione sua cun s’Anpvi setzione Provintziale de Casteddu incumentzat in su 2001 e in su 2015 divenit cunsigera natzionale. In su 2018 benit numenada vitzepresidente natzionale.

Como su grandu traguardu de s’eletzione a sa Presidèntzia Natzionale de s’Anpvi. Monica Taula est sa prima fèmina in Itàlia a èssere istada elègida presidente Natzionale intre totu sos Assòtzios natzionales de sos disàbiles de sa bista.
Nàschida in Dusseldorf 57 annos a oe, fìgia de babbos immigrados de Loceri, at coladu is primos annos de sa vida sua in sa tzitade tedesca e a pitzochedda s’est tramudada a Sardigna paris cun sa mama e a sa sorre.

A 14 annos perdet sa bista e frecuentat s’Istitutu de sos Tzurpos Maurizio Falqui de Casteddu. Si làureat in Limbas e Literaduras Istràngias in sa Facultade de sos Istùdios de Casteddu.

A printzìpios imbucat a traballare comente insegnante de limbas pro unos cantos istitutos iscolàsticos, ma posca si dèdicat a s’insegnamentu de sa letura-iscritura braille in vàrios tzentros de formatzione professionale. Est dotzente de maicantos seminàrios e laboratòrios didàticos chi pertocant su mundu de sa disabilidade visiva e collàborat cun entes pùblicos e privados pro torrare atzessìbiles numerosos sitos.
Sa collaboratzione sua cun s’Anpvi setzione Provintziale de Casteddu incumentzat in su 2001 e in su 2015 divenit cunsigera natzionale. In su 2018 benit numenada vitzepresidente natzionale. Como est lòmpidu su traguardu importante de s’eletzione a sa Presidèntzia Natzionale de s’Anpvi.

S’Assòtziu natzionale privos de sa bista e ipovedentes Onlus (Anpvi) comintzat sa faina sua su 13 de freàrgiu 1981 ocupende∙si de dare assistèntzia a sos tzurpos, a sos ipovedentes e a totu sos tzitadinos chi nde cumpartzint sas finalidades, acumprende fainas de amparu, de rapresentàntzia e de promotzione sotziale in favore de sos privos de sa bista e de sos ipovedentes, curende pràticas assistentziales, previdentziales, de collocamentu in su traballu, de istrutzione e de chirca de ocupatzione.

Segundu sos datos Inps 2021, in Sardigna sas persones cun disabilidades visivas sunt belle 3.112 (tzurpos totales e partziales), e in Itàlia 108.856.
Monica Taula s’est distinta in intro de sas medas fainas in favore de sas persones sena bista organizende un’initziativa ùnica in su gènere suo: unu cursu de surf cuncordadu su mese coladu in su Poetu de Casteddu.


Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22

Attività realizzata col contributo della Regione Sardegna – IMPRENTAS 2021-2022. LR 22/2018, art. 22

De lèghere

Cultura

Bentu est sa pellìcula noa de Salvatore Mereu. Su film de su regista de Durgali est istadu presentadu a sa de 79 editziones de...

Atualidade

Non paret chi b’apat coladu bator annos ebbia, ma meda de prus, dae cando sos de su carrabusu de Autodeterminatzione pariant seguros de nche...

Cultura

Su mutetu est una de is formas de cantu tìpicas de sa traditzione poètica de sa Sardigna. A unu tempus su cantu a mutetu...

Cultura

Sa cumpangia teatrale Tedacà arribbat a Sardigna pro torrare a ammaniare s’ispetàculu “Fine pena ora”, sa rapresentatzione noa leada dae su libru omònimu de...