Sighi∙nos

Salude, ite ses chirchende?

Atualidade

S’òmine chi aiat agiudadu Casteddu a bìvere sa Belle Époque (100 annos dae sa morte de Bacaredda)

Fiat istadu unu de sos personàgios prus importantes de Casteddu in su perìodu de su Otighentos. Ottone Bacaredda aiat resèssidu, cun abbistesa, a sa modernizatzione de su cabulogu sardu de cuddos annos. Sunt colados 100 annos dae sa morte sua, acontèssida su 26 de nadale 1921.

Bacaredda fiat istadu un’òmine de su tempus suo, intelletuale, biagiadore e connoschidore de sos movimentos culturales e artìsticos de s’època. Giai dae su 1875, annu in cale comintzat sa carriera polìtica, cheriat in manera firma chi sa tzitade sua deveret abbratzare a prenu su progressu sotziale e culturale pro mèdiu de unu pesada polìtica de una classe sotziale noa, sa burghesia, de cale issu s’intendiat un’esponente bàlidu meda.

Ottone Bacaredda

Dae su 1890 sa carriera polìtica sua l’at a bìdere mantènnere pro chimbe legisladuras sa càrriga de sìndigu, siat cun cunsensos ma fintzas cun cuntestatziones. Su nùmene suo fiat bitu meda in sos cuotidianos de s’època ca fiat istadu, difatis, unos de sos personàgios. Aiat sighidu sas ideas progressistas de cudda “Belle Époque” chi aiat contagiadu fintzas Casteddu chi, etotu suta de sa ghia sua, boliat cambiare e devènnere una tzitade europea.

In totu Europa sa burghesia aiat cumintzadu a ispainare ideales noos de libertade e progressu, e Bacaredda fiat determinadu a superare s’immàgine de una Casteddu medievale, serrada in sos antigos muros ispagnolos. A su nùmene de Ottone Bacaredda, difatis, abbarrat presu su fàbbricu de medas òperas pùblicas: iscolas elementares e superioras, sa rete ìdrica, sa trasformatzione de sos impiantos de illuminatzione, su Palatzu Munitzipale nou e su Bastione de Saint Remy.

A sa faina polìtica sua Bacaredda aiat acostadu numerosos iscritos de diritu, intre cale “Sa fèmina in cara a sa lege penale” e “Sa libertade tzivile in sas legislatziones criminales antigas e modernas”. Aiat iscritu, in prus, diversas paristòrias e contados. A.D


Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22
Attività realizzata col contributo della Regione Sardegna – IMPRENTAS 2021-2022. LR 22/2018, art. 22

Pro respùndere

Leave a Reply

Il tuo indirizzo email non sarà pubblicato. I campi obbligatori sono contrassegnati *

De lèghere

Cultura

Si podet fàghere arte e tzìnema fintzas impreende unu telefoneddu. In su mundu nche sunt medas festival de tzìnema chi promovent pellìculas realizadas gràtzias...

Atualidade

Prus de 18 mìgias sardos ant lassadu s’Ìsula in sos ùrtimos tres annos. Una comunidade manna comente a su comunu de Pauli, comente sa...

Cultura

Si narat “La tua memoria è la nostra memoria”, su progetu aparitzadu dae su Comunu de Boruta chi punnat a sa realizatzione de un’archìviu...

Atualidade

Sa Sardigna est unu logu galu pagu connòschidu dae sos turistas. Belle su 80% de sos turistas chi arribbat in s’ìsula, difatis, bìsitat isceti su 10% de...