Sighi∙nos

Salude, ite ses chirchende?

Cultura

“Sa prima règula de su Fight Club”como est finas un’ispetàculu

Su 29 de mese de ladàmine de 24 annos a oe essiat in Itàlia “Fight Club”, film leadu dae su primu romanzu de s’iscritore americanu Chuck Palaniuk: sa pellìcula aiat tentu una resessida istravanada meda, gràtzias fintzas a una colunna sonora ispantosa e a atores de cabbale comente a Brad Pitt e Edward Norton, cosa chi aiant contribuidu a fàghere crèschere meda meda sas bèndidas de su libru chi dae tando fiat devènnidu unu de sos prus bèndidos.

Oe s’istòria de Jack e Tyler arribbat a sos teatros sardos gràtzias a sos Artisti fuori posto, cumpangia casteddaja chi at a pònnere in iscena sa produtzione noa “La prima regola del Fight Club” cun sa regia de Alessandro Pani e Filippo Salaris in tres atopos: a pustis de s’esòrdiu de domìniga 23 de abrile in Casteddu e de sàbadu 29 de abrile, at a èssere in Sìnnia a ora de sas 20.30 in su Teatru Tzìvicu, e sàbadu su 6 de maju in Su Masu a sas 20.30, in su Teatru Maria Carta.

“S’ispetàculu — ant naradu sos registas — non bolet èssere torra una propositzione de su libru o de su film, ma movende de unos cantos bucones de su contu, amus a presentare una narratzione noa chi at a èssere a tretu de fàghere interessare e pensare s’ispetadore”. Temas de importu de s’istòria, chi sa cumpangia cuntzentrat s’ispetàculu, sunt sa “masculinidade tòssica”, incarnada dae su personàgiu de Tyler Durden, s’alienatzione de s’indivìduu in intro de sa sotziedade rapresentada dae su protagonista, s’amore impossìbile.

“La prima regola Fight Club”, realizadu cun efetos visivos e sonoros de ispantu, at a bìdere in iscena Filippo Salaris in su ruolu de Tyler, a Alessandro Panes comente narradore, a Piero Murenu chi interpretat a Bob e a àteros personàgios, Noemi Medas (Marla Singer) e in su ruolu de sas Martinicas ispatziales (Scimmie spaziali) Alessio Arippa, Alessandro Redegoso, Valentino Pili e Paolo Salaris.
S’ispetàculu est realizadu cun sas lughes de Ivano Cugia, sos costùmenes de Alessandra Lecis, su trucu de Carla Aledda; sas fotos e vìdeos de iscena e s’iscenografia sunt de Oscar Gaviano, sa gràfica est de Piero Murenu.

De lèghere

Atualidade

Domìniga su 16 de làmpadas, in ocasione de sas Dies Europeas de s’Archeologia, sa sotziedade Archeonova, chi gestit sos giassos de S’Arcu de is...

Atualidade

Casteddu, Tàtari e S'Alighera. Su tzentru manca nche colat su 50% evitende su ballotàgiu

Atualidade

Sambenadu sardu, fiat candidada fintzas in sa tzircuscritzione ìsulas. Como sa chistione de s'immunidade

Atualidade

Su de bator postos a su giogadore aristanesu Giuseppe Massidda, in una manifestatzione dominada dae sos giòvanos. Lorenzo De Ieso, de sa sotziedade ArzaChess,...