Sighi∙nos

Salude, ite ses chirchende?

Iscientzia&Tecnologia

Alexa faeddat de Grazia Deledda

In ocasione de sas tzelebratziones de sos 150 annos dae sa nàschida de Grazia Deledda, est istada isvilupada un’aplicatzione chi permitet de s’acurtziare a sa letura de sos libros de sa prèmiu Nobel nugoresa impreende su telefoneddu e a traessu de s’assistente vocale de Alexa.

‘Parole di Grazia’, est a nàrrere ‘Paràulas de Grazia’, est unu servìtziu chi permitet de ascurtare sos testos e de connòschere sos logos de s’iscritora sarda prèmiu Nobel de sa literadura in su 1926 gràtzias a una seletzione de messàgios vocales atzessìbiles dae totu su mundu. A pustis de Dante Alighieri e de Papa Francesco, duncas, peri Grazia Deledda est istada seberada comente personalidade de importu internatzionale de iscurtare fintzas cun s’intelligèntzia artifitziale.

“Sos càbidos àudiu si podent iscurtare pro mesu de unu cumandu vocale chi faghet a ativare fintzas dae su telefoneddu”, at naradu su diretore artìsticu de su comitadu Anthony Muroni. “Amus pensadu chi custu potzat avalorare de prus ‘òpera e sa vida de s’artista e in su matessi momentu èssere una ghia turìstica e literària a disponimentu de sos amantiosos suos e de sos turistas”.

“Difatis – ispiegat su cummissàrio istraordinàriu de sa Provìntzia de Nùgoro Costantino Tidu– sunt tres sas esperièntzias de impreu de s’aplicatzione”, diversificadas a segunda de sos interessos de s’impitadore. Un’invitu a su biàgiu: una ghia turìstica literària in ue s’impitadore at a pòdere interrogare “Parole di Garzia” in contu de cadaunu de sos logos deleddianos mapados. Un’invitu a sa letura: un’introduida a sas òperas pro chie disìgiat intrare in su mundu literàriu de s’autora. Faedda•mi de tue, in ue Deledda contat Grazia etotu. In àteras paràulas, amus a iscobèrrere sa vida e sa personalidade de s’autora ascurtende sas paràulas bogadas dae unos cantos petzos autobiogràficos”.

“Si tratat de unu sistema de intelligèntzia artifitziale a su servìtziu de sa cultura” agiunghet Fabrizia Sanna, giai diretora generale de sa Provìntzia.

Sos càbidos àudios cun sos petzos de s’iscritora faghet a los iscurtare in italianu ma peri in inglesu, pro permìtere fintzas su pùblicu de sos turistas o de sos letores internatzionales de gosare de s’òpera de s’autora nugoresa, e sunt interpretados dae leghidores professionistas comente Marisa Serra, s’atora chi faghet Grazia Deledda in sa pellìcula de Daniele Maggioni “Cercando Grazia”.


Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22 Attività realizzata col contributo della Regione Sardegna – IMPRENTAS 2021-2022. LR 22/2018, art. 22

Pro respùndere

Leave a Reply

Il tuo indirizzo email non sarà pubblicato. I campi obbligatori sono contrassegnati *

De lèghere

Cultura

Si podet fàghere arte e tzìnema fintzas impreende unu telefoneddu. In su mundu nche sunt medas festival de tzìnema chi promovent pellìculas realizadas gràtzias...

Atualidade

Prus de 18 mìgias sardos ant lassadu s’Ìsula in sos ùrtimos tres annos. Una comunidade manna comente a su comunu de Pauli, comente sa...

Cultura

Si narat “La tua memoria è la nostra memoria”, su progetu aparitzadu dae su Comunu de Boruta chi punnat a sa realizatzione de un’archìviu...

Atualidade

Sa Sardigna est unu logu galu pagu connòschidu dae sos turistas. Belle su 80% de sos turistas chi arribbat in s’ìsula, difatis, bìsitat isceti su 10% de...