Sighi∙nos

Salude, ite ses chirchende?

Cultura

Babel film fèstival, torrat a Casteddu su tzìnema in is limbas minoritàrias

Torrat su “Babel Film Fèstival”, sa festa de su tzìnema de is minorias linguìsticas, organizadu e promòvidu dae sa “Società Umanitaria” — Cineteca Sarda de Casteddu. Est sa de sete bias chi su capulogu sardu acasàgiat sa chi oramai est cunsideradu unu de sos cuncursos tzinematogràficos internatzionales prus importantes, una rassigna chi dae su 2010 donat boghe a is limbas regionales, a sas istòrias e a sa cultura issoro, in sa limba issoro.

Sede de s’editzione 2021 de su Fèstival at a èssere su T-Hotel, dae su 6 a s’11 de mese de idas, ma sunt prevìdidos apuntamentos fintzas in sas dies a in antis e in cussas sighentes. A su cuncursu leant parte 64 film, tra longumetràgios, documentàrios e filmados de fintzione, seberados intre 104 òperas esaminadas in sos meses colados dae sa cummissione seletzionadora. Duas is pellìculas foras de cuncursu.

Su “Babel Film Fèstival” at a assignare trèighi prèmios, unu pro ogna categoria, pro unu balore totale de 18.000 èuros. Is prèmios prus importantes sunt su “Maestrale”, pro su mègius longumetràgiu (6.000 èuros), su mègius documentàriu (2500 èuros) e su mègius filmadu de fintzione (2.500 èuros). A detzìdere is binchidores at a èssere sa giuria ufitziale. Prevìdidos fintzas àteros prèmios pro is àteras setziones de su cuncursu.

Tra is anteprimas importantes tocat remonare su “Premio Kentzeboghes”, intregadu a progetos tzinematogràficos in limba sarda chi posca depent èssere trasformados in film. Su prèmiu naschet a intro de su Fèstival, comente momentu produtivu insertadu in su cuntestu de is polìticas de tutela e de valorizatzione de sa limba sarda. Su 3 de mese de idas in su Greenwich de Casteddu, in bia de Sassari, ant a èssere presentados is film realizados pro sa de bator editziones de su cuncursu.


Atividade realizada cun su contributu de sa Regione Sardigna – Imprentas 2020-2021. Lr 22/2018, art. 22
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Pro respùndere

Leave a Reply

Sa mail no at a èssere publicada

De lèghere

Atualidade

In Sardigna unu binu fatu cun s’àgina lassada pasare in su mare. Est unu vermentinu diferente dae is àteros su realizadu dae s’enòlogu Andrea...

Passadu presente

Ite nos contat su 1848? Pro seguru est su momentu istòricu in ue sa cuntierra intre mundu nou e mundu restauradu nche crompet a...

Atualidade

In Casteddu esistet una biblioteca de sos fumetos. Est istadu presentadu in maju Casteddu, dae s’iscritore e regista Bepi Vigna, s’Archìviu multimediale de s’imaginàriu...

Atualidade

Sa vida a pustis de sa morte. Est acontèssidu in Cùllieri in ue, un’annu a oe, unu fogu mannu aiat brusiadu ètaras e ètaras...

Istòrias est una revista de informatzione in linia in limba sarda a règula cun s'istandard de sa Regione Sardigna. Est unu produtu de s'Asòtziu culturale Arvéschida.


|Gerèntzia | Pro ite custa revista | Riservadesa | Archìviu |


Copyright © 2022 |Registratzione in su Tribunale de Casteddu n°5 de su 14 de su mese de Trìulas 2018