Su 29 de nadale fiat s’anniversàriu de sa morte de Peppino Marotto, pastore, sindacalista, cantadore e poeta de Orgòsolo assassinadu in su 2007 sena chi finas a oe siant istados agatados is mortores.
Fiat nàschidu in 1925 e durante totu sa vida aiat sighidu is vitzendas polìticas e sindacales chi ant marcadu s’istòria de is ùrtimos chimbant’annos. Comunista a sa betza manera, fiat cunsideradu sa boghe de sa revolutzione, difatis fiat s’autore de su cantu Sa lota de Pratobello, su componimentu iscritu in 1969 pro festare su resurtadu otentu dae sa ribellia populare antimilitarista e nonviolenta de is tzitadinos de Orgòsolo, cando prus de 2000 òmines (mescamente pastores) fèminas e pipios aiant firmadu in modu patzìficu su fràigu de una base militare de s’esèrtzitu italianu, chi diat àere incorfadu is mègius pasturas de su comunale.
A pustis de sa morte de Peppino Marotto sunt istados medas is intelletuales chi dd’ant bòlidu regordare cun libros, cantzones e ammentos, ma unu de is remonos prus famados est sa cantzone “Piccola mela” de su cantautore italianu Francesco De Gregori, ispirada pròpiu a una poesia de Marotto
Custu su vìdeu e su testu de su componimentu de De Gregori:
Mi metto in tasca una piccola mela,
mi metto in tasca una piccola mela.
Ti portassero in piazza
con chiodi e catene
se davvero non sei sincera.
La figlia del dottore è una maestrina,
la figlia del dottore è una maestrina.
E conosce a memoria
tutti i libri di Omero,
li ripassa tre volte la mattina.
Mi metto in tasca un piccolo fiore,
mi metto in tasca un piccolo fiore.
Ti legassero stretta
alla quercia più vecchia,
se davvero non vuoi il mio cuore.
La figlia del dottore sa cantare,
la figlia del dottore sa cantare.
E mi piace poi tanto
quel suo modo di fare,
forse un giorno faremo l’amore.
Custa sa poesia de Peppino Marotto
Una pira ‘e iberru
mi ponzo in sa butzaca
ch’est bianca che nie.
Una pira ‘e iberru
po su ch’as fatu a mie
ti colen in piatza
garrigada ‘e ferru
Sa fiza ‘e su dottore
ch’est una maestrina
fachet tres ripassadas
a sos libros d’Omero
Sa fiza ‘e su dotore
sa chi faco istasero
no est prus serenada
est pro te columbina
dichiaradu amore
Pro nde ischire de prus: https://horoene.wordpress.com/2016/12/14/de-gregori-e-la-poesia-perduta-dellorgolese-peppino-marotto
Atividade realizada cun su contributu de sa Regione Sardigna – Imprentas 2020-2021. Lr 22/2018, art. 22
Attività realizzata col contributo della Regione Sardegna – IMPRENTAS 2020-2021. LR 22/2018, art. 22
