Una App pro seberare sas plajas cun prus pagu gente

Si mutit Playa Libre, s’aplicatzione chi at a permìtere a s’amministratzione de sa tzitade metropolitana de Casteddu de compidare sos paràmetros ambientales de sos areniles comunales e de informare in tempus reale sos tzitadinos e sos turistas si sos areniles sunt prenos de gente o nono. Si tratat de unu progetu isperimentale finantziadu cun risursas de su Patu pro s’Isvilupu de sa Tzitade Metropolitana, su primu sistema IoT e intelligèntzia artifitziale in Europa, chi cando at a èssere ativu at a dare sa possibilidade de individuare in antìtzipu sa marina ideale in base a sos bisòngios pròpios.

Su progetu, realizadu dae Hedya Srl, sotziedade de ingegneria ispetzializada in su setore IoT, includet 7 istatziones protòtipu chi sunt giai ativas a Cala Mosca, Poetu prima firmada a presu de Windsurfing Club, Margiani Arrùbiu, Cala de Moru, Solanas, Nora e Cala de Òstia. Àteras 4 istatziones ant a èssere collocadas chitzo in sa de bator firmadas de su Poetu, a Sa Madalena marina, Mari Pintau e Canna de Sisa.
“Si tratat de unu progetu isperimentale innovativu meda- ispiegat su cussigeri metropolitanu delegadu a sa Mobilidade Antonello Floris – chi nos at a permìtere prima de totu de sas marinas metropolitanas dae su puntu de annotu ambientale, e de frunire a su tzitadinu e a su turista informatziones ùtiles in ogni momentu.

Sa punna est sa de donare unu servìtziu de agiudu a sa pùblica amministratzione pro su crompimentu de duos obietivos prioritàrios. Pro primu dare informatziones subra de s’istadu de sas marinas chi cunsentant de pranificare atziones pro sa cunservatzione de s’arenile, interventos mirados pro sa regorta de sos refudos, su fràigu de àteros servìtzios, s’assètiu de sa marina a pustis de maregiadas. Su segundu obietivu est su de dare a tzitadinos e turistas s’elencu de sas plajas cun prus pagu gente, non petzi cun s’idea de ofèrrere un’esperièntzia prus galana e garantire prus istesiamentu tra unu bagnante e s’àteru, ma fintzas pro sensibilitzare subra de s’importu de sa limitatzione de su càrrigu antròpicu a tutela de sos areniles.

Sos impitadores ant a pòdere averguare in tempus su livellu de ocupatzione de sas marinas e sos balores rilevados gràtzias a un’aplicatzione mòbile mutida Playa Libre. S’aplicativu, cumpatìbile cun iOs e Android, at a èssere disponìbile intro su mese de maju. In su benidore su sistema at a pòdere èssere ativadu cun s’installatzione de Smart Boe pro su rilevamentu de sos paràmetros de s’abba. I.M


Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22 Attività realizzata col contributo della Regione Sardegna – IMPRENTAS 2021-2022. LR 22/2018, art. 22

T'est pràghidu s'artìculu? Connosches bene s'argumentu e boles iscrìere carchi cosa pro megiorare s'informatzione? Iscrie·nos una lìtera a redatzione@istorias.it.

Iscrie pro primu

Cummenta

Sa mail non at a èssere publicada


*