Ant a torrare in sa pratzita de is Wise Towers, in New York, is cadditos ingendrados dae su gèniu de Costantinu Nivola chi, pagas dies a oe, fiant istados iscostiados pro more de unos cantos traballos de ricualificatzione de s’àrea. Dd’at naradu sa diretora de is traballos a su currispondente de sa Rai in sa tzitade americana.
Is istàtuas duncas diant èssere istadas bogadas in modu provisòriu ebbia e diant dèpere torrare intro ocannu acanta fiant prima. Una pariga de cadditos però sunt istados ruinados e tocat a cumprèndere si ant a èssere restaurados e si ant a èssere torrados a collocare gosi comente ddos aiat postas Nivola.
