Una regorta de dinari pro nche torrare su corpus de Antonij a Ucraina

Una regorta de dinari pro pagare is ispesas pro su rimpàtriu de sa salma de Antonij, pipiu tres annos, fìgiu de su para Nikolay Volskyy.

Su 9 abrile in Cuartu Sant’Aleni pro more de un’intzidente tràgicu, a pustis de èssere rùidu in una piscina, s’est mortu Antonij su fìgiu minore de su para Nikolay, pàrracu de sa Crèsia Ortodossa chi tzèlebrat sa liturgia de sa crèsia de Sennora Nostra de s’Isperàntzia in su bighinadu de Casteddu de susu, in Casteddu, e in sa crèsia de Santu Pàulu Apòstolu in Terranoa, collende is persones disterradas dae sos paisos de s’ex Unione Soviètica, mescamente de Ucràina, Rùssia, Bielorùssia e Moldova.

Nikolay Volskyy, de natzionalidade ucràina, bivet dae tempus meda in Sardigna, acanta s’est tramudadu paris cun sa famìlia sua pro sighire sos fideles de sa Crèsia Ortodossa de su Patriarcadu de Mosca chi, a pustis de su fenòmenu migratòriu mannu de sos paisos de s’Europa Orientale, rapresentant una realidade de importu fintzas in Sardigna. In sa Crèsia ortodossa sos religiosos si podent cojuare, est pro custu chi Nikolay tenet mugere e fìgios.

“Semper abertu a su diàlogu e a sa collaboratzione – est iscritu in una nota de su sòtziu Cittadini del mondo Onlus – at ischidu conchistare s’apretzamentu e s’istima non petzi de is fideles ortodossos de su disterru, ma fintzas de medas sardos credentes e non credentes”.

Antonij at a reposare in sa terra sua, pro custu su sòtziu pedit a totu is amigos un’agiudu, peri piticu, pro agiudare sa famìlia Volskyy a pagare is ispesas pro su rimpàtriu de su corpus.

Pro sos contributos: s’Iban de Nikolay (Mikola Volskyy) mail: sansaba.cagliari@gmail.com

Carta PostePay Evolution: 5333 1710 8928 6559

IBAN: IT51B3608105138282716882725

MYKOLA VOLSKYY – Còdighe Fiscale: VLSMKL86E21Z138L


Atividade realizada cun su contributu de sa Regione Sardigna – Imprentas 2020-2021. Lr 22/2018, art. 22
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

T'est pràghidu s'artìculu? Connosches bene s'argumentu e boles iscrìere carchi cosa pro megiorare s'informatzione? Iscrie·nos una lìtera a redatzione@istorias.it.

Iscrie pro primu

Cummenta

Sa mail non at a èssere publicada


*