“Fideles a sa promissa, unidos in sa traditzione”, custu est su nùmene de sa campagna de comunicatzione chi in su 2022 at a acumpangiare s’editzione 366 de sa Festa de Sant’Efis. “Mancari semus torrados a mòvere dae su matessi puntu chi aìamus lassadu in su 2020 pro more de sa pandemia de Covid-19- at decraradu su sìndigu Paolo Truzzu – su tìtulu est cantu mai atuale”.
“Ocannu s’at a torrare a sa partetzipatzione populare. Totu at a dipèndere dae sos èsitos de sa riunione de su Comitadu pro s’Òrdine e sa Seguridade pùblica, a sa cale ant a leare parte totu sos sìndigos interessados, su prefetu, su cuestore e s’archipìscamu”, meda prus manna cunforma a sa de su 2020 e de su 2021. Pro connòschere su calendàriu e sos eventos in programma pro sa Festa tocat isetare però abetare a s’àtera chida.
“Semus impinnados a su màssimu pro recuperare su tempus pèrdidu”, at ispiegadu su primu tzitadinu subenende chi “sas detzisiones a livellu tzentrale in mèritu a sas manifestatziones pùblicas sunt lòmpidas in custas ùrtimas dies ebbia” e ringratziende totus sos chi si sunt impinnados pro sa bona resèssida de s’eventu.
📸 Is fotografias de Sant’Efis a su tempus de su Coronavirus
Paris a su presidente de su Consìgiu comunale, Edoardo Tocco, a su responsàbile de s’àrea Suape, Mercados, Fainas produtivas e Turismu, Alessandro Cossa, a su presidente de s’Arciconfraria de Sant’Efis, Andrea Loi, a s’addòbiu cun sos giornalistas de eris, giòbia 14 abrile 2022, bi fiat fintzas s’assessore Alessandro Sorgia.
“Pro sa de 366^ Festa – at pòdidu antitzipare su titulare de su Turismu – Sant’Efis at a èssere bardiadu dae sa patùllia a caddu de s’Esèrtzitu Italianu. At a bestire sa pèrpere istòrica de su Regimentu dismìtidu Cavalleggeri di Sardegna e at a èssere formada dae chimbe binòmios de cadderis e caddos de su Tzentru Ìpicu Militare Cumandu Sardigna, chi apartenent a sa Cavalleria, una de sas ses armas chi costituint s’Esèrtzitu Italianu, paris cun Fanteria, Artillieria, Gèniu, Trasmissiones, Trasportos e Materiales”.
Rondò Final, unu film subra sa festa de Sant’Efis
Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22 Attività realizzata col contributo della Regione Sardegna – IMPRENTAS 2021-2022. LR 22/2018, art. 22
