In Napoli ddoe est su cafè suspèndidu, in Tàtari imbetzes sa bòcia. S’assòtziu Memorica storica torresina at pensadu un’initziativa pro fàghere torrare sos pitzocos e sas pitzocas a giogare in pratza. Sa punna est de batire sos prus piticos in sos logos de su tzentru istòricu de sa tzitade e agiudare sos giòvanos a sotzializare intre issos.
Annos a oe bìdere sos pipios giogare in paris in sas istradas fiat una normalidade. Cun su tempus però s’abitudine est mudada, pro more puru de sas tecnologias noas e de sos mudamentos in sa sotzietade, e immoe cando bidemus partidas de bòcia in sa ruga parit una novidade.
Su progetu de sa ‘bòcia suspèndida est intregada a pipios e pitzocos de cada etade chi bolent colare sas oras in sa pratza Duomo in Tàtari. In sa biblioteca populare de s’Isport, aberta pròpiu dae s’Amst (assotziu Memorica storica torresina), giai nch’est atretzadura de fùbalu, basket, tennis e pallamano chi est a disponimentu lìberu.
“Su tzentru istòricu tenet bisòngiu de vida – narat Andrea Sini, diretore de sa Biblioteca – tenet bisòngiu de pipios chi òcupent sos ispàtzios. Unu tempus sos adultos istampaiant sas bòcia, nois imbetzes los tiramus a campu ca bèngiant fatos rotolare. A totu su restu ant a pessare sos pipios”. Comente isse Graziano Mura, presidente de s’Amst: “Creimus in sa cultura e in sa sotzialidade comente a ainas pro avalorare su tzentru de sa tzitade. Cun s’essida de sa pandemia semus torrende a sas fainas nostras, chi prevident prèstidu e presentadas de libros, addòbios culturales e mustras temporàneas a tema. Totu sos servìtzios sunt de badas e a disponimentu de totus”.
Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22 Attività realizzata col contributo della Regione Sardegna – IMPRENTAS 2021-2022. LR 22/2018, art. 22
