Sighi∙nos

Salude, ite ses chirchende?

Cultura

Monumenti Aperti, sas persones torrant a bìdere sa bellesa de biddas e tzitades

Sa cresia Balai Vicino in Portu Turre

A pustis de s’editzione in lìnia de su 2020 e cudda pro una parte in presèntzia de su 2021, Monumenti Aperti torrat a batire sas persones in sos caminos e in sas pratzas de 38 comunos de sa Sardigna. Sos apuntamentos sunt in programa dae su 23 de abrile a su 5 de làmpadas. In atòngiu imbetzes at a cumentzare su programa natzionale. Pro sa prima borta, sa manifestatzione s’at a tènnere suta de s’artu patrotzìniu de su Parlamentu Europeu.

“Amus coladu duos annos difìtziles però non nos semus mai firmados, sas dificultades non nch’ant impedidu de sighire a castiare a in antis – narat Massimiliano Messina, presidente de s’assòtziu Imago Mundi -. In su 2021 amus chertu festare 25 annos de vida de Monumentos Abertos, donende unu signale craru de isperu pro torrare a cumentzare comente amus semper fatu. Su nùmeru de sos comunos est creschidu respetu a su 2021 cun sas intradas de Durgali, Ìtiri Cannedu e Tuili mentras sunt torrados Tàtari e Carbònia”.

Sunt 38 sos comunos chi aderint ocannu a sa manifestatzione, longu ses fine chida dae su 23 abrile a su 5 làmpadas. Unu nùmeru a largu de sos datos pre-Covid, in cales fiant in mèdia 60 sas amministratziones presentes, ma tzertamente in crèschida respetu a su coladu annu. Sas amministratziones locales ant a rèndere disponìbiles 500 monumentos, afidados a sa gestione e sos contas de prus de 15.000 intre
istudiantes e voluntàrios.

Tra sos comunos sunt medas sas cunfirmas e calicuna novidade comente a Durgali, Ìtiri Cannedu e Tuili chi partètzipant sa prima borta, e torrant fintzas Assèmini, Carbònia, Su Masu, Gùspini, Pauli, Ovodda, Pabillonis, Seddori, Sàrdara, Sassari, Serramanna, Siddi, Biddanoa Forru e Biddanoa Franca.


Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22 Attività realizzata col contributo della Regione Sardegna – IMPRENTAS 2021-2022. LR 22/2018, art. 22

Pro respùndere

Leave a Reply

Il tuo indirizzo email non sarà pubblicato. I campi obbligatori sono contrassegnati *

De lèghere

Cultura

Si podet fàghere arte e tzìnema fintzas impreende unu telefoneddu. In su mundu nche sunt medas festival de tzìnema chi promovent pellìculas realizadas gràtzias...

Atualidade

Prus de 18 mìgias sardos ant lassadu s’Ìsula in sos ùrtimos tres annos. Una comunidade manna comente a su comunu de Pauli, comente sa...

Cultura

Si narat “La tua memoria è la nostra memoria”, su progetu aparitzadu dae su Comunu de Boruta chi punnat a sa realizatzione de un’archìviu...

Atualidade

Sa Sardigna est unu logu galu pagu connòschidu dae sos turistas. Belle su 80% de sos turistas chi arribbat in s’ìsula, difatis, bìsitat isceti su 10% de...