Sighi∙nos

Salude, ite ses chirchende?

Iscientzia&Tecnologia

Resparmiare tempus e dinari pro arribbare a iscola o a traballu. Un’app agiudat sos casteddajos

Sa calidade de s’ambiente, sa salude, su rispàrmiu, sa diminutzione de sos intzidentes, sa dificultate pro agatare unu parchègiu, pòdere gosare a su mègius de sa tzitade. Sunt sos elementos printzipales de s’aplicatzione pro telefoneddos de su progetu “Svoltiamo”.

Si tratat de un’aplicatzione pensada dae sos ricercadores de su Crimm de s’Universidade de Casteddu chi at a bènnere impreada sa prima borta in su cabu-logu sardu e in sa fase de proa dae su 2019 at interessadu prus de 11 mìgia casteddajos. S’obietivu est su de promòvere s’impreu de modos de trasportu sustenìbiles pro mòvere dae domo a su logu de traballu o dae domo conca a s’iscola o a s’Universidade. 11.500 persones ant ammustradu interessu a su programma. Intre custos, 5.001 ant compiladu su primu cuestionàriu subra de sas abitùdines pròpias de biàgiu. “Sa noa de importu – narat su responsàbile iscientìficu Italo Meloni – benit dae unu datu: su 31,4 pro chentu de sos intervistados tenet s’intentzione de mudare sa modalidade de biàgiu. In sos paisos de sa Gran Bretagna, cun cultura e traditziones diferentes, s’arribbat a su 15″.

S’aplicatzione at a permìtere de otènnere puntos pro onnia chilòmetru fatu cun una modalidade de trasportu sustenìbile. Sos tzitadinos chi ant a leare parte a su progetu ant a pòdere usufruire de prèmios comente abbonamentos pro su postale, achistu de bitzicletas e monopàtinos. Sos partetzipantes ant a tènnere a disponimentu diversas alternativas de biàgiu sustenìbiles detzisivas pro permìttere su càmbiu de modalidade de ispostamentu. Su tratzamentu de sos tempos permitet de connòschere sos benefìtzios dae sas calorias consumadas a sos chilòmetros fatos.  Su balore cumplessivu de sos prèmios est de 122mila èuro.

Naschidu dae su programa “Svolta – Casteddu pro una mobilidade intelligente e sustenìbile”, su progetu est finantziadu dae su ministeru de s’Ambiente e est isvilupadu dae su Comunu de Casteddu e de su Crimm paris cun Regione, Ctm, Arst e Playcar.


Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22 Attività realizzata col contributo della Regione Sardegna – IMPRENTAS 2021-2022. LR 22/2018, art. 22

Pro respùndere

Leave a Reply

Il tuo indirizzo email non sarà pubblicato. I campi obbligatori sono contrassegnati *

De lèghere

Atualidade

In sa ASL de su Campidanu mesanu unu laboratòriu isperimentale de istimulatzione cognitiva

Tzitades e biddas

S’antigu bardianu de su Supramonte  colossos de Europa pro devènnere s’Àrbore europeu de s’annu A pustis de àere conchistadu su tìtulu de Àrbore Italianu...

Atualidade

In su sequel de su contu de su «providentzialismu mìticu» b'est sa derrota de su pùblicu

Atualidade

Su nùmene de sa Costa Smeralda est ligadu a su de Karim Aga Khan. Su prìntzipe de sos musulmanos “ismailiti nizariti”, devènnidu imàm cando...