Sighi∙nos

Salude, ite ses chirchende?

Atualidade

Giòvanos sardos chi balent

Bi sunt finas duos giòvanos sardos tra sas trinta persones premiadas dae su presidente de sa Repùblica italiana Sergio Mattarella cun su tìtulu de Alfiere de sa Repùblica. Unu reconnoschimentu dedicadu a cuddos giòvanos chi in s’annu coladu ant impreadu sos sotzial network e sas fainas tecnològicas in manera de importu pro agiudare is àteros durante su perìodu de su virus Corona.

Sos sardos premiados sunt Aya Jedidi, una pitzinna de 11 annos chi bivet in Maracalagonis, e Alessio Cozzolino 19 annos de Terraba. Aja at retzidu su tìtulu del Alfiere de sa Republica pro àere agiudadu una cumpàngia sua de iscola chi benit dae su Marocco a cumprèndere sa limba italiana permitende a issa de si integrare mègius cun sa classe.

Sigomente sa famìlia est de orìgine marochinas, Aja Jedidi ischit faeddare s’àrabu. Gràtzias a custa capatzidade est arrennèschida a fàghere cumprèndere a sa cumpàngia sa limba nostra bortende in àrabu sas letziones durante sa didàtica in lìnia. Totu custu dd’at fatu de manera ispontànea divenende comente unu ponte chi at postu in relata maistros e istudiantes cun s’alunna arribada dae pagu.

Alessio Cozzolino imbetzes dae cando tenet 14 annos iscriet pro cuotidianos locales, giornales italianos e internatzionales. S’argumentu subra cale iscriet de prus est s’ecologia e sos problemas chi oe disacantant s’ambiente. In s’iscola at semper otentu resurtos de importu mannu e ocannu at abertu unu giassu in lìnia interessende puru àteros istudiantes. In s’interis de sa pandemia at aprofundidu sas cunsighèntzias de sos dannos a s’ambiente e su tema de sa “transizione ecologica” cun artìculos e intervistas.


Atividade realizada cun su contributu de sa Regione Sardigna – Imprentas 2020-2021. Lr 22/2018, art. 22
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Pro respùndere

Leave a Reply

Il tuo indirizzo email non sarà pubblicato. I campi obbligatori sono contrassegnati *

De lèghere

Cultura

Si podet fàghere arte e tzìnema fintzas impreende unu telefoneddu. In su mundu nche sunt medas festival de tzìnema chi promovent pellìculas realizadas gràtzias...

Atualidade

Prus de 18 mìgias sardos ant lassadu s’Ìsula in sos ùrtimos tres annos. Una comunidade manna comente a su comunu de Pauli, comente sa...

Cultura

Si narat “La tua memoria è la nostra memoria”, su progetu aparitzadu dae su Comunu de Boruta chi punnat a sa realizatzione de un’archìviu...

Atualidade

Sa Sardigna est unu logu galu pagu connòschidu dae sos turistas. Belle su 80% de sos turistas chi arribbat in s’ìsula, difatis, bìsitat isceti su 10% de...