Castiemus su bonu de un’annu malu: a in antis conca a su 2021

In su mese de nadale de su 2019 nemus diat aere pòdidu pensare de bìvere un’annu comente su 2020, forsis su prus legiu pro sa majoria de sa gente. Dd’at naradu una pariga de chidas coladas sa revista americana Time iscriende ca diat tocare tènnere 100 annos pro s’arregordare de sa Prima guerra mundiale e de s’epidemia de s’ispagnola, mancu 90 pro sa crisi cumentzada in su 1928 e 80 pro sa Segunda guerra mondiale.

In custu 2020 malu nche sunt persones chi ant pèrdidu parentes e amigos e is chi ant tentu prus fortuna ant pèrdidu in carchi manera libertade: de bessire comente si faiat prima, de respirare comente amus semper fatu e non cun una mascaredda in buca, de imprassare persones, de si curare comente siat giustu. Meda gente at pèrdidu traballu e serenidade.

Ma in totus custas cosas tristas tocat a castiare su galanu, fintzas si pagu a cunfruntu cun sa pandemia, ca nch’est in ònnia cosa. Cun sa punna de castiare a su benidore. Custu est s’auguriu chi nois de Istòrias.it faghimos a totus is letores nostros  e est cussu chi sighimus a faghere castiende a su bonu chi ocannu amus fatu: su 2020 est istadu su segundu annu de vida de sa revista acanta amus iscritu prus artìculos, cun prus frecuentzia e impinniu. Pro narrere amus inchingiadu sa rubrica podcast ‘Priogheddos‘, amus mudadu su sìmbulu e seberadu de nos si cuntzentrare subra pagos argumentos lassende sa cronaca e iscriende de prus a pitzus de cultura, scientzia, tecnologia, atualidade. Amus seberadu una lìnia de sighire in Facebook e Instagram.

Semus piticos, medas cosas tocat a ddas megiorare, is dificultades e faddinas non fartant e ischimus ca su traballu de faghere pro acurtziare sa gente, prus che totu is giòvunus, a lèghere in sardu e ddu impreare est meda. Ma su progetu est craru. Tando, a in antis conca a su 2021.

Inoghe algunos artìculos prus de importu de su 2020

22.01.20 | Comente reconnòschere una ‘fake news’: ddu ispiegat unu lìbburu online

01.03.20 | Una persona malàida de Sla podet ghiare unu drone cun is ogos e sa mente

18.03.20 | In Casteddu ant iscobertu su gene N de su Coronavirus: “Aici agataus su vatzinu”

28.03.20 | Sa pistola a tamburu? Dd’at imbentada unu sardu. S’istòria de Antoni Broccu de Gadone

01.04.20 | Sa vida chi aìamus prima de su Coronavirus

05.04.20 | Marco Casula, ùnicu italianu in unu de sos pagos logos in ue non b’at coronavirus

12.04.20 | S’Iscudetu in Casteddu: una festa chi sighit dae 50 annos

17.04.20 | Su chi nos at imparadu Sepùlveda cun s’istòria de su cau marinu e de su gatu

20.04.20 | Is murales a su tempus de su coronavirus si càstiant in lìnia

23.04.20 | “M’apo fatu Facebook in sardu in su telefoneddu”

24.04.20 | Iscampadu a su ‘lager’ gràtzias a duos chilos: un’istòria sarda pro festare sa Liberatzione

27.04.20 | Sa Die: su chi depes ischire si ses sardu (o istas in Sardigna)

05.05.20 | 📸 Is fotografias de Sant’Efis a su tempus de su Coronavirus

10.05.20 | Osposidda 1985: istòria de una die mala

24.05.20 | Sa Domo de sa poesia cantada: in Silanos su biàgiu in su mundu de sa gara poetica sarda

28.05.20 | Si sa Sardigna esseret istada impestada peus de sa Lombardia

14.06.20 | Carlo Felice tirannu e sìmbulu de Casteddu. Ma oe a chie rapresentat?

18.06.20 | “Pro ite s’aeroportu de Casteddu est intituladu a unu criminale?”

12.07.20 | S’istòria de sa fura de unu pipiu, pro totus Chicheddu de Talana

19.07.20 | Cando in s’iscola ant acabbadu de insegnare su sardu

28.09.20 | “A foras Mussolini dae is biddas de sa Sardigna”

17.10.20 | Su cardinale sardu e sa dama de Casteddu

02.11.20 | Ite sunt e a ite serbiant sos tapinos de mortu

24.11.20 | Lùvula, su logu prus silentziosu de mundu in ue iscurtare s’universu

01.12.20 | Vitzi, sa gara a sa solidariedade de is sardos pro torrare a partire

04.12.20 | Sa lota a sa talassemia colat dae su Dna de una pipia sarda

11.12.20 | Segadu unu buscu de tzinìberu: istòria de unu ‘delitu’ ambientale

15.12.20 | Google faeddat pagu su sardu e pro s’ora est unu vantàgiu

23.12.20 | Cantos sunt is nuraghes? Un’istùdiu nou narat chi sunt prus de is chi si pensat

29.12.20 | Alba delle Janas, unu biàgiu fantàsticu in sa preistòria de sa Sardigna

30.12.20 | 📸 Fotografias chi ant a abarrare in s’istòria


Atividade realizada cun su contributu de sa Regione Sardigna – Imprentas 2020-2021. Lr 22/2018, art. 22
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

T'est pràghidu s'artìculu? Connosches bene s'argumentu e boles iscrìere carchi cosa pro megiorare s'informatzione? Iscrie·nos una lìtera a redatzione@istorias.it.

Iscrie pro primu

Cummenta

Sa mail non at a èssere publicada


*